តុលាការរដ្ឋ Tennessee បានកាត់ទោសបុរសក្រុង Memphis ដែលបានធ្វើការផ្នែកផលិត DVD និង Blu-ray នៅក្រុមហ៊ុនចែកចាយឱ្យជាប់ពន្ធនាគាររយៈពេល ៥៧ខែពីបទលួច និងលក់ច្បាប់ចម្លងឌីជីថលវីដេអូដែលមិនទាន់បានចេញផ្សាយ។
ជនល្មើស Steven R. Hale អាយុ ៣៧ឆ្នាំត្រូវបានចោទប្រកាន់នៅខែមីនា ពីបទលក់ DVD និង Blu-ray ខូចរបស់វីដេអូ មុនពេលចាក់បញ្ចាំង។ ព្រះរាអាជ្ញាបានថ្លែងថា នៅពេលដែលជនល្មើស Hale បានលួចឌីសជាច្រើនរបស់ភាពយន្តដែលកំពុងតែត្រូវបានរៀបចំសម្រាប់ការចែកចាយសម្រាប់ធ្វើពាណិជ្ជកម្មនៅសហរដ្ឋអាមេរិក នៅចន្លោះខែកុម្ភៈ ឆ្នាំ២០២១ និងខែមីនា ឆ្នាំ២០២២។ នៅខែឧសភា ឆ្នាំ២០២៥ ជនល្មើស Hale បានសារភាពថាបានរំលោភសិទ្ធិអ្នកនិពន្ធ និងយល់ព្រមសងជនរងគ្រោះរួមមានប្រគល់ DVDs និង Blu-rays ឱ្យនិយោគប្រមាណជា 1,160 DVDs និង Blu-rays ដែលអ្នកស៊ើបអង្កេតបានរឹបអូសពីជនល្មើសនៅក្នុងអំឡុងពេលនៃការស្រាវជ្រាវ។
ជនល្មើស Hale ដែលត្រូវបានចោទប្រកាន់ពីបទប្លន់ដោយប្រដាប់អាវុធពីមុន ក៏បានសារភាពទោសកំហុសចំពោះការកាន់អាវុធខុសច្បាប់ដែលត្រូវបានរកឃើញនៅក្នុងអង្គជំនុំជម្រះ។ ម្ចាស់កម្មសិទ្ធិបញ្ញាបានខាតបង់រាប់សិបលានដុល្លារ ដោយសារតែ Steven Hale លួច DVDs និង Blu-ray របស់ភាពយន្ត Blockbuster ហើយលក់វាមុនកាលបរិច្ឆេទចេញផ្សាយផ្លូវការ បើយោងតាមភ្នាក់ងារ FBI។ ដូចដែលក្រសួងយុត្តិធម៌បានបង្ហាញនៅក្នុងខែមីនា ជនល្មើស Hale បានលក់ DVDs និង Blu-ray ខូចដែលបានលួចតាមរយៈគេហទំព័រពាណិជ្ជកម្មអេឡិចត្រូនិកផ្សេងៗ។ បញ្ជីឌីសភាពយន្តដែលបានលួចរួមមាន “Godzilla v. Kong,” “Shang-Chi និង the Legend of the Ten Rings,” “Dune,” “F9: The Fast Saga,” “Venom: Let There Be Carnage,” រួមទាំង “Black Widow”។
ជនល្មើសក៏ត្រូវបានចោទប្រកាន់ពីបទចែកចាយភាពយន្តខូចមុនការចាក់បញ្ចាំងរួមមាន “Spider-Man: No Way Home” Blu-ray និងចែកចាយច្បាប់ចម្លងឌីជីថលដែលបានលួចចេញពីអនឡាញរបស់ខ្លួន បន្ទាប់ពីឆ្លងកាត់ការអ៊ីនគ្រីបដែលការពារការថតចម្លងដោយគ្មានការអនុញ្ញាត។ បន្ទាប់មក ច្បាប់ចម្លងឌីជីថលត្រូវបានចែកចាយដោយខុសច្បាប់នៅលើអ៊ីនធឺណិត មិនតិចជាង ១ខែទេ មុនពេលកាលបរិច្ឆេទចេញផ្សាយផ្លូវការរបស់ Blu-ray ច្បាប់ចម្លងរបស់ Spider-Man: No Way Home ត្រូវបានទាញយករាប់សិបលានដង ជាមួយនឹងការប៉ាន់ស្មានខាតបង់ប្រាក់រាប់សិបលានដុល្លារ។
នៅដើមខែមីនា ព្រះរាអាជ្ញានៅទីក្រុងញូយ៉កបានចោទប្រកាន់បុគ្គលិក២នាក់ ដែលបម្រើការងារជាអ្នកម៉ៅនៅក្រុមហ៊ុនភាគីទី៣សម្រាប់ទីផ្សារលក់សំបុត្រអនឡាញ StubHub ជាមួយនឹងប្រាក់ ៦៣៥,០០០ដុល្លារ ពីការលក់សំបុត្រដែលបានលួចជិត ១,០០០សន្លឹកសម្រាប់កម្មវិធី Eras Tour របស់ Taylor Swift និងព្រឹត្តិការណ៍ផ្សេងទៀតដូចជា US Open Tennis Championships ការប្រគុំតន្រ្តី Ed Sheeran ការប្រគុំតន្រ្តី Adele និងហ្គេម NBA ជាច្រើន។ ជនល្មើសអាយុ ២០ឆ្នាំ Tyrone Rose និងជនល្មើសអាយុ ៣១ឆ្នាំ Shamara Simmons ដែលជាបុគ្គលិករបស់ក្រុមហ៊ុនសេវាកម្ម Southerland Global Services នៅ Jamaica ត្រូវបានឃុំខ្លួននៅទីក្រុងញូយ៉ក ហើយឥឡូវប្រឈមនឹងការផាកពិន័យជាអតិបរមាដែលអាចឈានដល់ជាប់ពន្ធនាគារ ១៥ឆ្នាំ។
ប្រភពព័ត៌មាន៖ ថ្ង្ៃទី១២ ខែកញ្ញា ឆ្នាំ២០២៥
