ប៉ុន្មានថ្ងៃមុននេះ វាមានសេចក្តីរាយការណ៍ថាសហស្ថាបនិកពីររូបរបស់ក្រុមហ៊ុនបច្ចេកវិទ្យា Google គឺលោក Larry Page និង Sergey Brin បានលាឈប់ពីតំណែងរបស់ខ្លួនជាមួយនឹងក្រុមហ៊ុនបច្ចេកវិទ្យា Alphabet ហើយប្រគល់តួនាទីនេះទៅអោយលោក Sundar Pichai ដែលជានាយកប្រតិបត្តិនៅ Google ។ អ្វីដែលគួរឱ្យចាប់អារម្មណ៍នោះគឺលោក Larry Page និង Sergey Brin មិនមែនជានាយកប្រតិបត្តិក្រុមហ៊ុនបច្ចេកវិទ្យាលំដាប់ទី ២ របស់អាមេរិកទៀតទេ។
យោងតាមរបាយការណ៍ពីក្រុមហ៊ុនពិគ្រោះយោបល់នៅទីក្រុងឈីកាហ្គោគឺក្រុមហ៊ុន Challenger, Gray & Christmas Inc., អោយដឹងថានាយកប្រតិបត្តិឧស្សាហកម្មបច្ចេកវិទ្យាចំនួន ១៨១ នាក់បានលាឈប់ពីឆ្នាំនេះដល់ខែតុលាដែលជាកំណត់ត្រាខ្ពស់បំផុត។ កំណត់ត្រាខ្ពស់បំផុតពីមុននេះគឺនៅឆ្នាំ ២០០៦ ដែលមាននាយកប្រតិបត្តិដែលលាឈប់សរុបចំនួន ១៦៣ នាក់ក្នុងរយៈពេញមួយឆ្នាំ។ ទិន្នន័យចុងក្រោយ (រួមទាំងការលាលែងដោយស្ម័គ្រចិត្តនិងការលាលែងពីតំណែងដោយបង្ខំ) កើនឡើងចំនួន ៤៦ ភាគរយ។ វាខ្ពស់ជាងនាយកប្រតិបត្តិចំនួន ១៥២ នាក់ដែលបានលាលែងពីតំណែងក្នុងឆ្នាំ ២០១៨ ដែលមានចំនួន ១៩% ថែមទៀត។
ភាពច្របូកច្របល់មិនត្រឹមតែនៅក្នុងថ្នាក់ដឹកនាំជាន់ខ្ពស់ប៉ុណ្ណោះទេ។ យោងតាមទិន្នន័យពីក្រុមហ៊ុនពិគ្រោះយោបល់នេះអោយដឹងទៀតថា ក្នុងខែវិច្ឆិកាចំនួននៃការបាត់បង់ការងារនៅក្នុងក្រុមហ៊ុនបច្ចេកវិទ្យាអាមេរិកមានចំនួន ៧.២៩២ ។ នេះគឺជាកម្រិតខ្ពស់បំផុតនៅក្នុងឧស្សាហកម្មជាង ៣០ ដែលបានធ្វើការស្រាវជ្រាវនេះ។ ចំនួននៃការកាត់បន្ថយការងារនៅក្នុងខែតុលាក៏ខ្ពស់បំផុតនៅក្នុងឧស្សាហកម្មផងដែរដែលឈានដល់ ១៥.៨៩៨ នាក់។
លោក Andrew Challenger អនុប្រធានក្រុមហ៊ុន Challenger ពន្យល់នៅក្នុងសេចក្តីថ្លែងការណ៍មួយថា“ ឧស្សាហកម្មបច្ចេកវិទ្យាក៏កំពុងមានការផ្លាស់ប្តូរដ៏សំខាន់ផងដែរដោយសារតែការផ្លាស់ប្តូរទម្រង់នានា” ។ បច្ចេកវិទ្យាថ្មីកំពុងផ្លាស់ប្តូររបៀបដែលមនុស្សធ្វើការ ហើយជារឿយៗនាំមកនូវផលិតភាពកាន់តែច្រើន។ បន្ថែមលើការផ្លាស់ប្តូរបុគ្គលិកនេះ ការអភិវឌ្ឍន៍ផ្សេងៗគ្នាដែលត្រូវបានជ្រើសរើសដោយក្រុមហ៊ុនក៏នឹងនាំទៅរកការផ្លាស់ប្តូរភាពជាអ្នកដឹកនាំ និងក្រុមប្រឹក្សាផងដែរ” ។
ចាប់ពីខែមករាដល់ខែវិច្ឆិកា ក្រុមហ៊ុនបច្ចេកវិទ្យាជាច្រើនប្រកាសកាត់បន្ថយការងារចំនួន ៦៣.៤៤៧ ដែលជាប់ចំណាត់ថ្នាក់ទី ៣ ក្នុងឧស្សាហកម្មផ្សេងៗ។ នេះគឺច្រើនជាងប្រាំដងបើប្រៀបធៀបនឹងរយៈពេលដូចគ្នាកាលពីឆ្នាំមុននេះ៕
