មហិច្ឆតាក្នុងការរួមបញ្ចូលកម្មវិធី ៣ ចូលជាកម្មវិធីតែមួយដែលស្ថាបនិកលោក Mark Zuckerberg បានប្រកាសកាលពីដើមឆ្នាំ ទីបំផុតត្រូវបានរាំងស្ទះក្រោមការសម្រេចរបស់គណៈកម្មាធិការ FTC របស់សហរដ្ឋអាមេរិក។
ទន្ទឹមនឹងសេវាកម្មក៏ដូចជាបណ្ដាញសង្គមនីមួយៗរបស់ Facebook មានដូចជា Messenger, Instagram និង WhatsApp កំពុងបម្រើដល់អ្នកប្រើប្រាស់ខ្ទង់ពាន់លាននាក់ បែបនេះការរួមបញ្ចូលតែមួយត្រូវបានមើលឃើញថាការជាការប្រកួតប្រជែងដ៏អយុត្តិធម៌សម្រាប់ក្រុមហ៊ុនគូប្រកួតដទៃ ហើយមួយទៀតសោតវានឹងបង្កើតផលលំបាកសម្រាប់គណៈកម្មាធិការ FTC ក្នុងការអន្តរាគមន៍ឬដោះស្រាយបណ្ដឹងណាមួយនៅថ្ងៃខាងមុខ។
បែបនេះហើយតាមរយៈការសម្រេចនូវសំឡេង ៣/៥ ក៏កំណត់ឲ្យ Mark Zuckerberg ត្រូវបោះបង់មហិច្ឆតារួមបញ្ចូលមួយនេះចោល។
រំឭកថាកាលពីខែដើមខែកក្កដាកន្លងទៅ FTC ធ្លាប់ប្រកាសពីការផាកពិន័យនូវទឹកប្រាក់ ៥ ពាន់លានដុល្លារម្តងរួចមកហើយទៅលើ Facebook ជុំវិញការមិនគោរពនូវកិច្ចព្រមព្រៀងសំខាន់មួយកាលពីឆ្នាំ ២០១១៕
![](https://i0.wp.com/cdn.nctc.gov.kh/2019/12/5df3839bdd808_1576240020_medium.jpg?resize=696%2C481&ssl=1)