B-2 ជាយន្តហោះទម្លាក់គ្រាប់បែកមួយម៉ូដែលរបស់ទ័ពអាកាសសហរដ្ឋអាមេរិក ដែលមានសមត្ថភាពខ្លាំងក្លាជាងបណ្ដាយន្តហោះចម្បាំងនានា ហើយថែមទាំងមានរចនារូបរាងយ៉ាងទាក់ទាញទៀតផង។
ការរចនា B-2 បានចាប់ផ្ដើមឡើងនៅឆ្នាំ ១៩៨១ ជាពេលដែលសហរដ្ឋអាមេរិកកំពុងស្ថិតក្នុងសង្គ្រាមត្រជាក់។ រហូតដល់ឆ្នាំ ១៩៨៧ សង្វាក់ផលិតកម្មនៃការផលិត B-2 បានចាប់ផ្ដើមឡើង ហើយបន្តរហូតដល់ឆ្នាំ ១៩៩៧។ យន្តហោះ B-2 មួយគ្រឿងៗត្រូវចំណាយទឹកប្រាក់រហូតដល់ ៧៣៧លានដុល្លារដើម្បីផលិតឡើង (គិតជាទឹកប្រាក់បច្ចុប្បន្នគឺស្មើប្រមាណខ្ទង់ ២ ពាន់លានដុល្លារ) ហើយសរុបទៅយន្តហោះទម្លាក់គ្រាប់បែកនេះមានតែ ២១ គ្រឿងប៉ុណ្ណោះ។
