ដូចបានបញ្ជាក់ម្តងហើយម្តងទៀតតាំងពីខែធ្នូ ឆ្នាំ ២០១៩ គឺចាប់ពីថ្ងៃទី ១៤ មករា ឆ្នាំ ២០២០ នេះតទៅ ក្រុមហ៊ុន Microsoft នឹងលែងធ្វើការអាប់ដែតនៅប្រព័ន្ធការពារសុវត្ថិភាពសម្រាប់ប្រព័ន្ធប្រតិបត្តិ Windows 7 សម្រាប់កុំព្យូទ័រតទៅទៀតហើយ។
បែបនេះមានន័យថាប្រសិនមានផ្ទុះនៅ Malware ឬ Virus ថ្មីណាមួយ នោះម្ចាស់ Windows 7 ទាំងអស់អាចនឹងប្រឈមហានិភ័យខ្ពស់បំផុត មិនថាតែការបាត់បង់ឯកសារឬគាំង PC ដោយប្រការណាមួយ។
បច្ចុប្បន្នមានអ្នកប្រើ ១ ភាគ ៣ ទូទាំងសកលលោកដែលនៅបន្តឈរជើងលើ Windows 7 ដែលជា OS ចេញផ្សាយកាលពីជាង ១១ ឆ្នាំមុនដដែល។ ស្របពេលអ្នកដែលប្រើប្រាស់ Windows 10 មានប្រមាណ ៩០០ លានឧបករណ៍ហើយ។បែបនេះប្រសិនអ្នកមានឯកសារចាំបាច់សុំធ្វើការចម្លងទុកទៅកាន់ម៉ាស៊ីនដទៃ ឬចាំបាច់ត្រូវដំឡើងទៅកាន់ Windows 10 ជាបន្ទាន់។ រំឭកថា Windows XP បញ្ឈប់ការគាំទ្រតាំងពីឆ្នាំ ២០១៤ ស្របពេល Windows 8 នៅឆ្នាំ ២០១៦៕
