នាយករដ្ឋមន្ត្រីអ៊ីស្រាអែលលោក Benjamin Netanyahu បានលើកឡើងពីផែនការក្នុងការប្រើប្រាស់បច្ចេកវិទ្យាតាមដានភេរវជន ដើម្បីស្វែងរកទីតាំងមនុស្សដែលមានទំនាក់ទំនងជាមួយអ្នកដែលផ្ទុកវីរុសកូរ៉ូណា។
លោក Benjamin បានមានប្រសាសន៍ថា ៖ “ក្នុងពេលឆាប់ៗនេះយើងនឹងចាប់ផ្ដើមប្រើប្រាស់បច្ចេកវិទ្យា ដែលយើងធ្លាប់បានប្រើដើម្បីប្រយុទ្ធប្រឆាំងនឹងអំពើភេវកម្ម។” លោកបានស្នើសុំការអនុញ្ញាតពីក្រសួងយុត្តិធម៌ជាមុន ព្រោះថាវិធីសាស្ត្រនេះអាចរំលោភសិទ្ធឯកជនរបស់អ្នកជំងឺ។
លោកប្រធានាធិបតីមិនបានលម្អិតអំពីបច្ចេកវិទ្យានេះទេ ដោយត្រឹមបញ្ជាក់ថាវាស្រដៀងនឹងវិធីសាស្ត្រដែលតៃវ៉ាន់បានប្រើ។ អ្នកជំនាញសិទ្ធឯកជនឈ្មោះ Avner Pinchuk លើកឡើងបច្ចេកវិទ្យានេះអាចមានបញ្ចូលការចាប់ទីតាំងទូរសព្ទភ្លាម ដើម្បីឲ្យសមត្ថកិច្ចដឹងអំពីការរំលោភបំពានលើការនៅដាច់ដោយឡែក ឬចាប់សញ្ញានៃទិន្នន័យដើម្បីកំណត់ការទំនាក់ទំនង និងការធ្វើដំណើររបស់អ្នកផ្ទុក COVID-19៕
