ក្រុមហ៊ុន Twitter បានប្រកាសកាលពីថ្មីៗនេះថា ខ្លួនបានបិទប្រព័ន្ធសេវាកម្មសារ SMS ដោយសារតែមានការព្រួយបារម្ភអំពីបញ្ហាសុវត្ថិភាព។
ទោះយ៉ាងណា ក្រុមហ៊ុនបានបញ្ជាក់ថា អ្នកប្រើ Twitter នៅតែផ្ញើសារ SMS សំខាន់ៗ ដើម្បី Log ចូលទៅកាន់គណនីក្នុងករណីចាំបាច់ណាមួយ ។
អ្នកប្រើប្រាស់បណ្តាញសង្គម Twitter តាមសារ SMS ត្រូវបានណែនាំឱ្យផ្លាស់ប្តូរទៅប្រើប្រាស់បណ្តាញសង្គមតាមទំរង់វ៉ិបសាយ ឬកម្មវិធីលើទូរស័ព្ទចល័ត Twitter ដើម្បីទទួលបានបទពិសោធន៍ពេញលេញក្នុងការប្រើប្រាស់បណ្តាញសង្គម Twitter។ សម្រាប់ពេលបច្ចុប្បន្ននេះ ក្រុមហ៊ុន Twitterក៏បានសំរេចចិត្តមិនធ្វើការបិទមុខងារការផ្ទៀងផ្ទាត់ពីរកត្តា (2FA) និងការផ្ទៀងផ្ទាត់លេខសំងាត់នោះទេ។
គួររំលឹកផងដែរថា ពីមុនមកក្រុមហ៊ុន Twitter ធ្លាប់បិទការផ្ញើសាររបស់អ្នកប្រើប្រាស់ចាប់ពីថ្ងៃទី៤ ខែកញ្ញា ដល់ថ្ងៃទី៥ ខែកញ្ញា ឆ្នាំ២០២០ ដើម្បីការពារគណនីពីក្រុមហេគឃ័រ ក្រោយពីគណនីរបស់នាយកប្រតិបត្តិក្រុមហ៊ុនត្រូវបានគេហេគ៕
ប្រភពព័ត៌មាន Bleeping Computer ផ្សាយថ្ងៃទី២៧ ខែមេសា ឆ្នាំ២០២០
