ទីក្រុងដាម៉ាស៖ តាមរយៈប្រតិបត្តិការសន្តិសុខមួយដំណើរការដោយមានកិច្ចសហប្រតិបត្តិការជាមួយពលរដ្ឋស៊ីរីនៅឆ្នេរ al-Badyah បានធ្វើការវាយឆ្មក់បង្ក្រាបក្រុមភេរវករមួយក្រុមមកពីក្រុមភេរវករ Daesh ដែលមានសមាជិកចំនួន៦នាក់។
ប្រតិបត្តិការសន្តិសុខបានបញ្ចប់ដោយសម្លាប់សមាជិកភេរវករចំនួន៣នាក់ និងចាប់ខ្លួនសមាជិកចំនួន៣នាក់ផ្សេងទៀត។ ឈ្មោះរបស់ពួកគេគឺ Salah Jaber al-Zaher ដែលគេស្គាល់ថាជា Abu Abd al-Rahman al-Salafi និង Ali Salim Yahya ដែលគេស្គាល់ថាជា Abu al-Bara’a al-Homsi និង Amer Abd al-ghafar Nemah ដែលគេស្គាល់ថាជា Abu Sawan ។
នៅកម្មវិធីលើកញ្ចក់ទូរទស្សន៍ស៊ីរីចាក់ផ្សាយនៅថ្ងៃព្រហស្បតិ៍ ភេរវករទាំង៣នាក់បានសារភាពថា ពួកគេពិតជាបានអនុវត្តប្រតិបត្តិការភេរវកម្មផ្សេងៗគ្នាដោយផ្តោតលើការធ្វើ អំពើរឃាតកម្ម ការសម្លាប់ ការចាប់ពង្រត់ សកម្មភាពនៃការបំផ្លិចបំផ្លាញ និងការបំផ្លាញទ្រព្យសម្បត្តិសាធារណៈ និងឯកជន។ ពួកគេបានសារភាពថា ប្រតិបត្តិការមួយចំនួនធ្វើឡើងដោយមានការសម្របសម្រួលរវាងមេដឹកនាំភេរវករ Daesh និងកងកំលាំងសហរដ្ឋ អាមេរិកដែលឈរជើងក្នុងតំបន់ al-Tanf នៅតាមព្រំដែនស៊ីរី និងប្រទេសហ្ស៊កដានី៕
ប្រភពព័ត៌មាន RT ផ្សាយថ្ងៃទី១៤ ខែឧសភា ឆ្នាំ២០២០
