នាយករដ្ឋមន្ត្រីលោក Giuseppe Conte ប្រកាសកាលពីថ្ងៃសៅរ៍ថាប្រទេសអ៊ីតាលីនឹងអនុញ្ញាតឱ្យមានការធ្វើដំណើរអន្តរជាតិក៏ដូចជាការឆ្លងកាត់រវាងតំបន់របស់ប្រទេសចាប់ពីថ្ងៃទី ៣ ខែមិថុនា។
ទោះយ៉ាងណាក៏ដោយ អាជ្ញាធរមិនបានបដិសេធចំពោះការទប់ស្កាត់ការធ្វើដំណើរម្តងទៀតនៅក្នុងតំបន់មួយចំនួនទេ ប៉ុន្តែវាមានតែក្នុងករណីដែលមានការកើនឡើងនូវការឆ្លងថ្មីប៉ុណ្ណោះ។
រដ្ឋអ៊ឺរ៉ុបដែលជាប្រទេសមួយដែលរងគ្រោះធ្ងន់ធ្ងរជាងគេដោយការឆ្លងរាតត្បាតវីរុសនេះចាប់ផ្តើមបន្ធូរបន្ថយការរឹតត្បិតដែលត្រូវបានបង្កើតឡើងដើម្បីបញ្ឈប់ការរីករាលដាលនៃជំងឺបន្ទាប់ពីមានការថយចុះជាលំដាប់នៃចំនួនករណីថ្មីនាពេលថ្មីៗនេះ។
រោងចក្រនិងឧទ្យានបើកដំណើរការនៅដើមខែឧសភាខណៈហាងនិងភោជនីយដ្ឋានគ្រោងនឹងដំណើរការឡើងវិញនៅថ្ងៃច័ន្ទ។ ប្រទេសអ៊ីតាលីមានការឆ្លងជាង ២២៣, ៨៨៥ នាក់សម្រាប់មេរោគកូវីដ ១៩ ដែលបណ្តាលឱ្យមានមនុស្ស ៣១,៦១០ នាក់ស្លាប់ នេះបើយោងតាមការកត់ត្រាសរុបដែលធ្វើឡើងដោយសាកលវិទ្យាល័យចនហបគីនស៍៕
ប្រភព RT ចុះផ្សាយថ្ងៃទី ១៦ ខែឧសភា ឆ្នាំ ២០២០
