ប្រទេសឡាតវី លីទុយអានី និងអេស្តូនី បានបើកព្រំដែនរួមរបស់ពួកគេនៅពាក់កណ្តាលអធ្រាត្រដោយបង្កើតជា“ ពពុះធ្វើដំណើរ” ដំបូងបង្អស់នៅក្នុងសហភាពអឺរ៉ុប។
ទីភ្នាក់ងារព័ត៌មានរ៉យទ័រនិយាយថាឆ្មាំព្រំដែនប្រទេសអេស្តូនីដកចេញនូវផ្លាកសញ្ញាទាំងអស់ដែលបញ្ជាឱ្យយានយន្តឈប់នៅព្រំដែន និងអង្គុយជុំគ្នានៅតាមដងផ្លូវសម្រាប់ការញ៉ាំនំខេក និងកាហ្វេ។
ប្រជាជននៃប្រទេសបាល់ទិកទាំងបីនេះឥឡូវមានសេរីភាពក្នុងការធ្វើដំណើរក្នុងតំបន់។ សម្រាប់អ្នកណាម្នាក់ដែលចូលមកពីខាងក្រៅនឹងត្រូវដាក់អោយនៅដាច់ដោយឡែកក្នុងរយៈពេល ១៤ ថ្ងៃ។
នៅក្នុងសេចក្តីថ្លែងការណ៍មួយនាយករដ្ឋមន្ត្រីនៃប្រទេសលីទុយអានីលោក Saulius Skvernelis និយាយនៅក្នុងសេចក្តីថ្លែងការណ៍មួយថា “ពពុះធ្វើដំណើរបាល់ទិកនេះគឺជាឱកាសសម្រាប់អាជីវកម្មបើកដំណើរការឡើងវិញហើយជាក្តីសង្ឃឹមដ៏ភ្លឺស្វាងសម្រាប់ប្រជាជនដែលបញ្ជាក់ថាជីវិតកំពុងវិលត្រឡប់មករកភាពប្រក្រតីវិញ” ។
ការសម្រេចចិត្តនេះត្រូវបានធ្វើឡើងនៅពេលដែលនាយកប្រតិបត្តិសហភាពអ៊ឺរ៉ុបស្វែងរកការទាក់ទាញប្រទេសជាសមាជិកទាំង ២៧ ដើម្បីបើកព្រំដែនផ្ទៃក្នុងឡើងវិញ និងចាប់ផ្តើមការធ្វើដំណើរកាន់តែទូលំទូលាយទោះបីជាមានវិធានការសុវត្ថិភាពជាច្រើនត្រូវបានកំណត់ក៏ដោយ៕
ប្រភព RT ចុះផ្សាយថ្ងៃទី ១៥ ខែឧសភា ឆ្នាំ ២០២០
