នៅក្នុងការនិយាយតាមទូរស័ព្ទជាមួយប្រធានាធិបតីអ៊ីរ៉ាក់លោក Barham Salih ដែលត្រូវបានផ្តួចផ្តើមឡើងកាលពីថ្ងៃច័ន្ទដោយប្រធានាធិបតីអ៊ីរ៉ង់លោក Hassan Rouhani បានអបអរសាទរចំពោះប្រធានាធិបតីអ៊ីរ៉ាក់ដែលបានបង្កើតរដ្ឋាភិបាលថ្មី។
លោក Rouhani បានស្នើដល់ព្រះដ៏មានមហិទ្ធិឫទ្ធិផ្តល់អំណោយ និងពរជ័យដល់ប្រជាជនអ៊ីរ៉ាក់។ ចំណែឯកឧត្តមប្រធានាធិបតីអ៊ីរ៉ាក់ក៏បានថ្លែងអំណរគុណដល់សមភាគីអ៊ីរ៉ង់ចំពោះគំនិតផ្តួចផ្តើមដ៏ថ្លៃថ្នូនេះដែលឆ្លុះបញ្ចាំងពីជម្រៅនៃទំនាក់ទំនងរវាងប្រទេសជាមិត្តទាំងពីរដោយជូនពរប្រជាជនអ៊ីរ៉ង់ទទួលបាននូវសេចក្តីប្រាថ្នាទាំងអស់សម្រាប់វឌ្ឍនភាព និងវិបុលភាព។
នៅក្នុងជំនួបនេះលោក Rouhani បានអញ្ជើញលោក Salih ទៅទស្សនាប្រទេសអ៊ីរ៉ង់ ហើយលោក Salih ក៏បានសន្យាទទួលយកការអញ្ជើញនេះឱ្យទាន់ពេលវេលា។
គួរឱ្យកត់សម្គាល់ថាកិច្ចពិភាក្សានេះលោកប្រធានាធិបតីទាំងពីរបានពិភាក្សាពីវិធីនៃការពង្រឹងទំនាក់ទំនងរដ្ឋធានីបាកដាដ និងទីក្រុងតេហេរ៉ង់ និងការអភិវឌ្ឍកិច្ចសហប្រតិបត្តិការទៅវិញទៅមកដើម្បីបម្រើផលប្រយោជន៍ដល់ប្រជាជនជិតខាងទាំងពីរ៕
ប្រភពព័ត៌មានពី baghdadpost ចេញផ្សាយថ្ងៃទី២១ ខែឧសភា ឆ្នាំ២០២០
