អាជ្ញាធរសុខាភិបាលឆែកជឿថាការរីករាលដាលនៃកូរ៉ូណាវីរុសថ្មីនេះស្ថិតនៅក្រោមការគ្រប់គ្រង ទោះបីជាវាមានការកើនឡើងក្នុងករណីខ្លះក្នុងរយៈពេលប៉ុន្មានថ្ងៃថ្មីៗនេះក៏ដោយ។ ប្រទេសនេះកំពុងត្រៀមបើកហាងស្រា សណ្ឋាគារនិងបន្ធូរបន្ថយទៅលើច្បាប់ពាក់ម៉ាសនៅថ្ងៃច័ន្ទនេះ។
ព្រឹត្តិការណ៍សាធារណៈសម្រាប់មនុស្សរហូតដល់ ៣០០ នាក់នឹងត្រូវបានអនុញ្ញាតនៅសប្តាហ៍ក្រោយហើយអាងហែលទឹក និងសាលារៀននឹងបើកឡើងវិញផងដែរ។ រដ្ឋមន្ត្រីសុខាភិបាលលោក Adam Vojtech និយាយថាការបន្ធូរបន្ថយការរឹតបន្តឹងដំបូងចាប់ពីថ្ងៃទី ១១ ឧសភាមិនមានផលប៉ះពាល់អ្វីទេ។ ប្រទេសនេះមានអ្នកឆ្លងកូវីដ ១៩ ចំនួន ៨,៧៥៧ ករណីនៅព្រឹកថ្ងៃសុក្រដោយមានមនុស្ស ៣០៦ នាក់ស្លាប់។
ប្រធានផ្នែកសុខភាពសាធារណៈលោក Jarmila Razova និយាយថាបច្ចុប្បន្ននេះ វាមានបញ្ហាក្តៅគគុកក្នុងតំបន់ចំនួន ២ ។ នៅក្រុង Prague មានករណីឆ្លងថ្មីចំនួន ៥០ ជារៀងរាល់ថ្ងៃចាប់តាំងពីថ្ងៃទី ១ ឧសភាមក។ នៅភាគខាងកើតនៃប្រទេសនេះវាមានករណីជាង ១០០ ត្រូវបានគេរកឃើញផងដែរ៕
ប្រភព RT ចុះផ្សាយថ្ងៃទី ២២ ខែឧសភា ឆ្នាំ ២០២០
