បេសកកម្មរបស់អង្គការសហប្រជាជាតិប្រចាំនៅក្នុងប្រទេសអ៊ីរ៉ាក់(UNAMI) បានរាយការណ៍ឱ្យដឹងថាចំនួនមនុស្ស ១២៣នាក់បានបាត់ខ្លួននៅក្នុងប្រទេសអ៊ីរ៉ាក់ដោយគិតចាប់តាំងពីចន្លោះថ្ងៃទី១ ខែតុលាឆ្នាំមុនដល់ថ្ងៃទី២១ ខែមីនាឆ្នាំនេះ។
ក្នុងចំណោមមនុស្សបាត់ខ្លួនទាំងនេះមានមនុស្ស៩៨នាក់បានរកឃើញ ខណៈ២៥នាក់ផ្សេងទៀតកំពុងបាត់ខ្លួន ឬស្ថិតក្នុងស្ថានភាពមិនស្គាល់អត្តសញ្ញាណ។
ប្រទេសអ៊ីរ៉ាក់ត្រូវបានមើលឃើញថាមានការតវ៉ាដ៏ធំមួយចាប់តាំងពីខែតុលាដោយអំពាវនាវឱ្យបណ្តេញរបបនេះចេញ និងអំពាវនាវឱ្យផ្តល់សេវាកម្ម និងឱកាសការងារដល់ប្រជាជនអ៊ីរ៉ាក់។ ក្រោយមកការតវ៉ានេះត្រូវបានផ្អាកដោយហេតុកើតមានពីការរីករាលដាលមេរោគឆ្លង៕
ប្រភពព័ត៌មានពី baghdadpost ចេញផ្សាយថ្ងៃទី ២៥ ខែឧសភា ឆ្នាំ២០២០
