រដ្ឋមន្ត្រីក្រសួងយុត្តិធម៌របស់ប្រទេសហុងគ្រីរំពឹងថា នឹងបញ្ចប់ភាពអាសន្នក្នុងប្រទេសនៅថ្ងៃទី២០ ខែមិថុនា។ រដ្ឋាភិបាលកំពុងត្រៀមសេចក្តីព្រាងដើម្បីបញ្ចប់អំណាចគ្រាអាសន្នរបស់ខ្លួន ដែលជាអំណាចគ្រប់គ្រងដោយក្រឹត្យ។
អំណាចគ្រាអាសន្នត្រូវបានផ្តល់ទៅឱ្យរដ្ឋាភិបាលនៅដើមឆ្នាំនេះនៅក្នុងសេចក្តីព្រាងច្បាប់ដែលមិនមានបង្ហាញពេលបញ្ចប់។ ភ្នាក់ងារសារព័ត៌បាននិយាយថា ប្រទេសហុងគ្រីបានរាយការណ៍ថាមានករណីឆ្លងជំងឺកូវីដ១៩សរុបចំនួន៣.៧៧១នាក់ និងមានអ្នកស្លាប់ចំនួន៤៩៩នាក់គិតមកដល់ថ្ងៃអង្គារនេះ។
រដ្ឋាភិបាលប្រទេសហុងគ្រីបាន និងកំពុងបន្ធូរបន្ថយជាបណ្តើរៗនូវវិធានការណ៍បិទដំណើរយ៉ាងតឹងរឹងនៅក្នុងប្រទេសចាប់តាំងពីដើមខែឧសភា។ នៅថ្ងៃច័ន្ទនេះទីក្រុង Budapest បានបើកព្រំដែនភាគខាងត្បូងសម្រាប់ប្រជាពលរដ្ឋស៊ែប៊ី និងហុងគ្រី៕
ប្រភពព័ត៌មាន RT ផ្សាយថ្ងៃទី២៦ ខែឧសភា ឆ្នាំ២០២០
