មន្ត្រីម្នាក់ប្រាប់ទីភ្នាក់ងារសារព័ត៌មានអន្តរជាតិបារាំង AFP កាលពីថ្ងៃពុធនេះថា ការដកកងទ័ពអាមេរិកចេញពីអាហ្វហ្គានីស្ថាន គឺមុនកាលកំណត់។
លោកប្រធានាធិបតីសហរដ្ឋអាមេរិក Donald Trump មុននេះបញ្ជាក់បានជាថ្មីម្តងទៀតនូវការអំពាវនាវឱ្យមន្ទីរបញ្ចកោណនាំកងទ័ពត្រឡប់មកផ្ទះវិញ។ សំណួរជាច្រើនកំពុងកើតមាននៅដំណាក់កាលបន្ទាប់នៃសង្គ្រាមអាហ្វហ្កានីស្ថានព្រោះការឈប់បាញ់រយៈពេល ៣ថ្ងៃរបស់វានឹងត្រូវបញ្ចប់។
ក្រោមកិច្ចព្រមព្រៀងមួយដែលអាមេរិកបានចុះហត្ថលេខាជាមួយតាលីបង់កាលពីខែកុម្ភៈ មន្ទីរប៉ង់តាហ្គោនបានដកកងទ័ពធ្លាក់ចុះពីប្រមាណ ១២,០០០នាក់ទៅ ៨,៦០០នាក់នៅពាក់កណ្តាលខែកក្កដាមុនពេលដកកម្លាំងទាំងអស់នៅត្រឹមខែឧសភាឆ្នាំ ២០២១ ។
ទោះយ៉ាងណាមន្ត្រីការពារជាតិជាន់ខ្ពស់របស់សហរដ្ឋអាមេរិកនិយាយថាចំនួនកងទ័ពបានធ្លាក់ចុះដល់ប្រហែល ៧,៥០០ នាក់ហើយខណៈដែលមេបញ្ជាការបានព្យាយាមពន្លឿនការដកខ្លួនចេញនេះដោយសារតែការភ័យខ្លាចចំពោះការឆ្លងរាលដាលនៃវីរុសនេះ។ មន្ត្រីរូបនោះនិយាយថា “ការដកនេះត្រូវពន្លឿនដោយសារតែការប្រុងប្រយ័ត្នរបស់កូវីដ ១៩” ។
លោក Trump ប្រាប់អ្នកយកព័ត៌មានកាលពីថ្ងៃអង្គារថា កំរិតកម្លាំងរបស់សហរដ្ឋអាមេរិកបាន “ចុះមកនៅត្រឹម ៧,០០០ នាក់” ។ នៅថ្ងៃបន្ទាប់លោកបញ្ជាក់ម្តងទៀតថាអាមេរិកមិនគួរដើរតួជា“ កម្លាំងប៉ូលិស” នៅក្នុងប្រទេសអាហ្វហ្គានីស្ថានទេ៕
ប្រភព RT ចុះផ្សាយថ្ងៃទី ២៧ ខែឧសភា ឆ្នាំ ២០២០
