អ្នកនាំពាក្យវិមានក្រឹមឡាំងបាននិយាយកាលពីថ្ងៃពុធថា ប្រធានាធិបតីរុស្ស៊ី លោកវ្លាឌីមៀ ពូទីន និងព្រះអង្គម្ចាស់ Mohammed bin Salman នៃប្រទេសអារ៉ាប៊ីសាអ៊ូឌីត បានយល់ព្រមតាមទូរស័ព្ទដើម្បីសម្របសម្រួលឱ្យបានល្អិតល្អន់ថែមទៀតក្នុងការរឹតត្បិតទិន្នផលប្រេង។
វិមានក្រឹមឡាំងនិយាយថា ពួកគេក៏បានកត់សម្គាល់ពីសារៈសំខាន់នៃកិច្ចប្រឹងប្រែងរួមគ្នាក្នុងគោលបំណងឈានដល់កិច្ចព្រមព្រៀងនៅក្នុងក្រុមអង្គការ OPEC + នៅក្នុងខែមេសា ស្តីពីការទប់ស្កាត់ផ្នែកផលិតកម្មផងដែរ។
កាលពីថ្ងៃទី ១០ ខែមេសា ប្រធានាធិបតីរុស្ស៊ី និងព្រះអង្គម្ចាស់អារ៉ាប៊ីសាអ៊ូឌីតពិភាក្សាលើបញ្ហានានាទាក់ទងនឹងកិច្ចពិភាក្សារបស់ OPEC + ស្តីពីការកាត់បន្ថយផលិតកម្មប្រេង និងឯកភាពរក្សាទំនាក់ទំនងទ្វេភាគីលើបញ្ហានេះផងដែរ៕
ប្រភព RT ចុះផ្សាយថ្ងៃទី ២៧ ខែឧសភា ឆ្នាំ ២០២០
