ការប៉ះទង្គិចគ្នារវាងពួកសកម្មប្រយុទ្ធតាលីបង់ និងកងកម្លាំងសន្តិសុខកើតឡើងនៅក្នុងប្រទេសអាហ្វហ្គានីស្ថាន ដែលនេះជាហេតុការណ៍លើកដំបូងចាប់តាំងពីបទឈប់បាញ់រយៈពេល៣ថ្ងៃបានបញ្ចប់។
ទោះជាយ៉ាងណា មន្ត្រីរដ្ឋាភិបាលនិយាយនៅថ្ងៃព្រហស្បតិ៍នេះថា ឧប្បត្តិហេតុមានលក្ខណៈតូចតាច ហើយបទឈប់បាញ់នៅតែអាចកើតមាន។
ភ្នាក់ងារសារព័ត៌មាននិយាយថា ក្រុមតាលីបង់បានរក្សាភាពស្ងៀមស្ងាត់ចំពោះការស្នើរបស់រដ្ឋាភិបាលក្នុងការបន្តបទឈប់បាញ់គ្នា ដែលបានប្រកាសនៅថ្ងៃឈប់សម្រាក Eid al-Fitr ដែលជាថ្ងៃបញ្ចប់ខែតមអាហារនៃបុណ្យរ៉ាម៉ាដាន (Ramadan)។
អ្នកនាំពាក្យទីប្រឹក្សាសន្តិសុខជាតិអាហ្វហ្គានីស្ថានបាននិយាយថា “បទឈប់បាញ់គ្នាមិនទាន់ចប់នៅឡើយទេ។ មានការរំលោភបំពានកើតឡើង ពីព្រោះវាជាដំណើរការច្ចេកទេសស្មុគស្មាញដែលទាមទារឱ្យមានការសម្របសម្រួលល្អរវាងភាគីទាំងពីរ” ។
រដ្ឋាភិបាលអាហ្វហ្គានីស្ថានបានដោះលែងសមាជិកតាលីបង់ចំនួន៩០០នាក់នៅថ្ងៃអង្គារដែលជាការដោះលែងដ៏ធំបំផុត។ស្ថានភាពថ្មីនេះគឺជាផ្នែកមួយនៃការផ្លាស់ប្តូរទណ្ឌិតក្រោមកិច្ចព្រមព្រៀងសន្តិភាពដែលរវាងក្រុមអ៊ីស្លាម និងសហរដ្ឋអាមេរិកនៅប្រទេសកាតានៅខែកុម្ភៈ៕
ប្រភពព័ត៌មាន RT ផ្សាយថ្ងៃទី២៨ ខែឧសភា ឆ្នាំ២០២០
