ទូរទស្សន៍ Nova និយាយនៅថ្ងៃព្រហស្បតិ៍នេះថារថភ្លើងមួយបានក្រឡាប់នៅប្រទេសប៊ុលហ្គារីដោយសារលទ្ធផលនៃការបុកជាមួយរថយន្តដឹកអ្នកដំណើរមួយ។ រថភ្លើងដឹកអ្នកដំណើរបានធ្វើដំណើរពី Varna ទៅរដ្ឋធានីសូហ្វីយ៉ារបស់ប្រទេសនេះ និងបុកជាមួយរថយន្តបន្ទាប់ពីអ្នកបើកបរបានរំលោភឆ្លងកាត់ផ្លូវដែកក្បែរភូមិ Kamenets ក្នុងខេត្ត Pleven ។
តាមរបាយការណ៍នេះឱ្យដឹងថាវាមានមនុស្ស ១០៥ នាក់នៅលើរថភ្លើង ហើយគ្មាននរណាម្នាក់រងរបួសឡើយ។ មន្ត្រីអនុវត្តច្បាប់ដែលកំពុងធ្វើការនៅកន្លែងកើតហេតុចាប់ផ្តើមការស៊ើបអង្កេតលើការបុក និងការធ្លាក់ផ្លូវរថភ្លើងនេះ៕
ប្រភព RT ចុះផ្សាយថ្ងៃទី ២៨ ខែឧសភា ឆ្នាំ ២០២០
