តាមប្រភពផ្លូវការបានឱ្យដឹងថា កុមារ និងគ្រូម្នាក់ត្រូវសម្លាប់ ដោយសារការបាញ់ប្រហារ នៅសាលាមួយ នៅទីក្រុងកាហ្សាន ក្នុងប្រទេសរុស្ស៊ី។
សេចក្តីរាយការណ៍បានឱ្យដឹងដែរថា ភេរវករ២នាក់បានបាញ់ប្រហារ នៅសាលារៀនលេខ ១៧៥ នៅទីក្រុងកាហ្សាន និងឃាត់ខ្លួនភេរវករបានម្នាក់ វ័យ១៩ឆ្នាំ និងម្នាក់ទៀតត្រូវបានសម្លាប់នៅជាន់ទី៤ ។
ហេតុការណ៍បាញ់ប្រហារនេះ បានកើតមានឡើងនៅចម្ងាយប្រហែល ៨២០គីឡូម៉ែត្រ ភាគខាងកើតនៃទីក្រុងមូស្គូ។ ទីក្រុងកាហ្សាននេះ ជាទីក្រុងដែលមានប្រជាជនម៉ូស្លីមភាគច្រើនរស់នៅ នៃសាធារណរដ្ឋ Tatarstan ក្នុងប្រទេសរុស្ស៊ី។
ភ្លាមៗនោះ ក្រុមប៉ូលិសប្រដាប់ដោយអាវុធ និងរថយន្តសង្គ្រោះបន្ទាន់ នៅខាងក្រៅសាលាលេខ ១៧៥ នៅទីក្រុងកាហ្សាន។ ហើយក៏មានវីដេអូខ្លីមួយ គេបានចែករំលែកនៅលើបណ្តាញសង្គមដែលបង្ហាញអំពី កុមារមួយចំនួនលោតចុះតាមបង្អួច ដើម្បីរត់គេចខ្លួន និងអ្នករងរបួសត្រូវបានជម្លៀសចេញ នៅក្នុងហេតុការណ៍នេះ។
លោក Rustam Minnikhanov ប្រធានាធិបតីសាធារណរដ្ឋ Tatarstan បានប្រាប់អ្នកយកព័ត៌មានថា នេះជាគ្រោះមហន្តរាយ និងកុមារ១២នាក់ និងមនុស្សពេញវ័យ៤នាក់កំពុងព្យាបាលនៅមន្ទីរពេទ្យ។ ហើយលោកបាននិយាយបន្ថែមទៀតថា “ភេរវករម្នាក់បានឃាតខ្លួន។ គាត់មានវ័យ ១៩ឆ្នាំ និងកាំភ្លើងដែលគាត់បានចុះបញ្ជីផងដែរ” ។
ជាមួយនេះក៏មានវីដេអូមួយទៀត ត្រូវគេចែកចាយនៅលើបណ្តាញសង្គមដែរ បានបង្ហាញអំពីក្មេងជំទង់ម្នាក់ដេកនៅលើដី ក្នុងពេលកំពុងឃាតខ្លួននៅខាងក្រៅអគារ៕
ប្រែសម្រួល៖ ឱក សុវណ្ណារ័ត្ន
ប្រភពព័ត៌មាន BBC ចុះផ្សាយថ្ងៃទី១១ ខែឧសភា ឆ្នាំ២០២១
