យោងតាមសេចក្តីរាយការណ៍ មនុស្សជាច្រើនខ្លាចស្លាប់ បន្ទាប់ពីការផ្ទុះដ៏ធំមួយនៅជិតទីក្រុងជីករ៉ែមួយនៅភាគខាងលិចប្រទេសហ្គាណា។
តាមប្រភពមន្ត្រីប៉ូលិសនិយាយថា រថយន្តដែលផ្ទុកសារធាតុផ្ទុះមីនបានបុកគ្នា ជាមួយនឹងម៉ូតូនៅជិតទីក្រុងបូហ្គោសូ។
ការចែកចាយរូបភាពតាមរយៈប្រព័ន្ធផ្សព្វផ្សាយក្នុងស្រុកបានបង្ហាញថា មានផ្សែងខ្មៅយ៉ាងសន្ធោសន្ធៅឡើងពីលើអគារដែលត្រូវបានបំផ្លាញ និងកម្ទេចកម្ទីខ្ចាត់ខ្ចាយ ខណៈប្រជាពលរដ្ឋស្រែករកជំនួយ។
ជាមួយនេះប៉ូលិសមិនបានបញ្ជាក់ពីចំនួនអ្នកស្លាប់ និងរបួសនោះទេ ប៉ុន្តែវីដេអូក្រាហ្វិចបានបង្ហាញសាកសពជនរងគ្រោះ។ ហើយរណ្ដៅធំមួយក៏អាចមើលឃើញនៅក្បែរផ្លូវផងដែរ ក្រោយការផ្ទះ។
សូមបញ្ជាក់នៅក្នុងការជូនដំណឹងបន្ទាន់ក្រុមប៉ូលិសបាននិយាយថា “ការផ្ទុះដ៏ធំ” បានកើតឡើងនៅចន្លោះទីក្រុងបូហ្គូសូ និងភូមិបាវឌាយ៕
ប្រភពព័ត៌មាន BBC ចុះថ្ងៃទី២១ ខែមករា ឆ្នាំ២០២២
ប្រែសម្រួលដោយ ឱក សុវណ្ណារ័ត្ន
