ប្រភពច្បាស់ការពីទីក្រុងរ៉ាវ៉ាលភីនឌីបានឱ្យដឹងថា មានទាហាន ១០នាក់សម្លាប់ បន្ទាប់ពីពួកភេរវករបានបើកការបាញ់ប្រហារនៅប៉ុស្តិ៍ត្រួតពិនិត្យសន្តិសុខ នៅស្រុកគេច របស់ខេត្តបាលូជីស្តាន់ យោងតាមការិយាល័យទំនាក់ទំនងសាធារណៈអន្តរសេវាកម្ម (ISPR) បាននិយាយកាលពីថ្ងៃព្រហស្បតិ៍។
នៅក្នុងសេចក្តីថ្លែងការណ៍មួយសារព័ត៌មានរបស់យោធាបាននិយាយថា ឧបទ្ទវហេតុនេះបានកើតឡើងនៅយប់ចន្លោះថ្ងៃទី ២៥ ដល់ ២៦ ខែមករា ឆ្នាំ២០២២ កន្លែងដែលភេរវករម្នាក់ត្រូវបានសម្លាប់ និងជាច្រើននាក់ទៀតរងរបួស។
កម្លាំងសន្តិសុខបានចាប់ខ្លួនភេរវករ៣នាក់ ក្នុងប្រតិបត្តិការបោសសម្អាត ខណៈដែលពួកគេកំពុងតាមប្រមាញ់ជនដៃដល់នៅពីក្រោយហេតុការណ៍។
សេចក្តីថ្លែងការណ៍បានបន្ថែម «កងកម្លាំងប្រដាប់អាវុធប្តេជ្ញាលុបបំបាត់ភេរវករពីដីយើង មិនថាអស់តម្លៃយ៉ាងណាក៏ដោយ»៕
ប្រភពព័ត៌មាន geo.tv News ចុះថ្ងៃទី២៧ ខែមករា ឆ្នាំ២០២២
ប្រែសម្រួលដោយ ឱក សុវណ្ណារ័ត្ន
