បុរសម្នាក់រងការចោទប្រកាន់ បន្ទាប់ពីគាត់គំរាមកំហែងគេដោយប្រើប្រាស់កាំបិត និងគ្រាប់បែកសាំង។
ប៉ូលីសក្រុងណតធីងហាំសៀបាននិយាយថា ប៉ូលិសបានទៅកាន់អឺបេនរ៉ូដ ក្នុងតំបន់ខេកប៊ី-អ៊ីន-អាសហ្វៀល កាលពីថ្ងៃសៅរ៍ បន្ទាប់ពីមានការរាយការណ៍ថា បុរសម្នាក់កំពុងស្រែកដាក់ប្រជាពលរដ្ឋ ខណៈដែលដៃកាន់ដប “ស្រាក្រឡុក ម៉ូឡូតូ” មិនទាន់ដុតភ្លើង។
សមត្ថកិច្ចរកឃើញបំណែកគ្រាប់បែកសាំងនៅនឹងកន្លែងកើតហេតុ ហើយបុរសម្នាក់ត្រូវឃាត់ខ្លួន ។
បុរសអាយុ៦០ឆ្នាំ រស់នៅអឺបេនរ៉ូដ រងការចោទប្រកាន់ពីបទកាន់កាប់អាវុធខុសច្បាប់។
ទន្ទឹមនឹងនេះកម្លាំងបានបន្ថែមថា គាត់ត្រូវបានឃុំខ្លួននៅក្នុងមន្ទីរឃុំឃាំង និងត្រូវបង្ហាញខ្លួននៅតុលាការ ទីក្រុងណតទីងហាំក្រោន នៅថ្ងៃទី២២ ខែមីនានេះ៕
ប្រភពព័ត៌មាន BBC NEWS ចុះថ្ងៃទី២៤ ខែមីនា ឆ្នាំ២០២២
ប្រែសម្រួលដោយ ឱក សុវណ្ណារ័ត្ន
