បុរសវ័យ៤០ឆ្នាំម្នាក់រងការចោទប្រកាន់ពីបទប្រព្រឹត្តិបទល្មើសជាច្រើនពាក់ព័ន្ធនឹងការបោកបញ្ឆោតថាប្លន់តាមផ្លូវ និង បំផ្ទុះគ្រាប់បែកនៅក្នុងព្រឹត្តិការណ៍សន្តិភាពដែលចូលរួមដោយរដ្ឋមន្ត្រីការបរទេសអៀរឡង់នៅភាគខាងជើងទីក្រុងបែលហ្វាស់ ។
គិញសម្ងាត់មកពីអង្គភាពចារកម្មភេរវកម្មបានចោទប្រកាន់បុរសនេះពីបទរៀបចំអំពើភេរវកម្ម ការប្លន់តាមផ្លូវ និងដាក់អត្ថបទបោកបញ្ឆោតពីការបំផ្ទុះគ្រាប់បែក។
ឧប្បត្តិហេតុនេះបាននាំឱ្យរដ្ឋមន្ត្រីលោក ស៊ីមុន ខូវេណៃ ត្រូវជម្លៀសចេញពីព្រឹត្តិការណ៍សន្តិភាព នៅមជ្ឈមណ្ឌលហ៊ូបេន នៅលើផ្លូវក្រុមឡាំង កាលពីថ្ងៃសុក្រមុននេះ។
ហេតុការណ៍នេះគឺដោយសារតែបុរសម្នាក់ត្រូវគេផ្ជុកបង្ខំឱ្យបើកឡាន ដែលដឹកវត្ថុសង្ស័យ ចូលទៅក្នុងព្រឹត្តិការណ៍ដែលរៀបចំដោយមូលនិធិចននិងផេតហូម ។
ជនសង្ស័យនឹងបង្ហាញខ្លួននៅចំពោះមុខចៅក្រមតុលាការឡាកាន់សីដ នៅថ្ងៃព្រហស្បតិ៍។ ករណីនេះនីតិវិធីចោទប្រកាន់ទាំងអស់នឹងត្រូវបានពិនិត្យដោយអយ្យការសាធារណៈ។
កាលពីថ្ងៃអង្គារ ប៉ូលិសបានបញ្ជាក់ថា ពួកគេមានពេល ៣៦ម៉ោងបន្ថែមទៀត ដើម្បីសាកសួរបុរសនោះ បន្ទាប់ពីគាត់ត្រូវបានចាប់ខ្លួនដំបូងកាលពីថ្ងៃអាទិត្យ។
ស្ត្រីវ័យ៤៨ឆ្នាំម្នាក់ត្រូវបានចាប់ខ្លួននៅក្នុងការស៊ើបអង្កេត តែត្រូវបានដោះលែងផងដែរ៕
ប្រភពព័ត៌មាន Belfast Telegraph ចុះថ្ងៃទី៣០ ខែមីនា ឆ្នាំ២០២២
ប្រែសម្រួលដោយ ឱក សុវណ្ណារ័ត្ន
