ទីក្រុងអ៊ីស្លាម៉ាបាដ ប្រទេសប៉ាគីស្ថាន៖ បន្ទាប់ពីការវាយប្រហារឆ្លងព្រំដែននាពេលថ្មីៗនេះ ប៉ាគីស្ថានបានជំរុញទីក្រុងកាប៊ុល ឱ្យធានាសុវត្ថិភាពតំបន់ព្រំដែនប៉ាគីស្ថាន-អាហ្វហ្គានីស្ថាន និងចាត់វិធានការប្រឆាំងនឹងក្រុមភេរវករ។
ក្នុងសេចក្តីថ្លែងការណ៍មួយចេញដោយក្រសួងការបរទេសមានខ្លឹមសារថា៖ «ដើម្បីផលប្រយោជន៍សន្តិភាព និងវឌ្ឍនភាពរវាងប្រទេសជាបងប្អូននឹងគ្នា ប៉ាគីស្ថានស្នើឲ្យរដ្ឋាភិបាលអធិបតេយ្យភាពនៃប្រទេសអាហ្វហ្គានីស្ថានធានាសុវត្ថិភាពតំបន់ព្រំដែនប៉ាគីស្ថាន-អាហ្វហ្គានីស្ថាន និងចាត់វិធានការតឹងរ៉ឹងចំពោះបុគ្គលដែលពាក់ព័ន្ធសកម្មភាពភេវកម្មនៅក្នុងប្រទេសប៉ាគីស្ថាន។
យោងតាមអ្នកនាំពាក្យក្រសួងការបរទេសលោក អាស៊ីម អ៊ីហ្វធីកហា បាននិយាយថា ការវាយប្រហារភេរវកម្មនៅតាមព្រំដែនប៉ាគីស្ថាន-អាហ្វហ្គានីស្ថាន បានកើនឡើងគួរឲ្យគាត់សម្គាល់ក្នុងរយៈពេលប៉ុន្មានថ្ងៃកន្លងទៅនេះ។
លោក អាស៊ីម អ៊ីហ្វធីកហា បាននិយាយថា “ភេរវករប្រើប្រាស់ទឹកដីអាហ្វហ្គានីស្ថានដើម្បីធ្វើសកម្មភាពនៅក្នុងប្រទេសប៉ាគីស្ថានដោយនិទណ្ឌភាព” ។
នៅក្នុងព្រឹត្តិការណ៍ចុងក្រោយនេះ ទាហានប៉ាគីស្ថានចំនួន៧នាក់ត្រូវសម្លាប់នៅក្នុងស្រុក វាហ្សីរីស្ថានភាគខាងជើង ដោយពួកភេរវករដែលកំពុងប្រតិបត្តិការពីប្រទេសអាហ្វហ្គានីស្ថានកាលពីថ្ងៃទី១៤ ខែមេសា ឆ្នាំ២០២២៕
ប្រភពព័ត៌មាន bignewsnetwork ចុះថ្ងៃទី១៨ ខែមេសា ឆ្នាំ២០២២
ប្រែសម្រួលដោយ ឱក សុវណ្ណារ័ត្ន