ទីក្រុងប៉េសាវ៉ារ៖ នាយកដ្ឋានប្រឆាំងភេរវកម្ម (CTD) បានចាប់ខ្លួនភេរវករ៦នាក់ នៅក្នុងប្រតិបត្តិការមួយក្នុងតំបន់ឃីបឺ នេះបើតាមសម្តីមន្ត្រីនិយាយកាលពីថ្ងៃចន្ទ។
មន្ត្រីម្នាក់បាននិយាយថា នាយកដ្ឋានប្រឆាំងភេរវកម្មប្រចាំទីក្រុងប៉េសាវ៉ារ នៅក្នុងពេលចុះប្រតិបត្តិការ បានចាប់ខ្លួនភេរវករដែលត្រូវបានចោទប្រកាន់ចំនួន៦នាក់ដែលគេស្គាល់ថាមានឈ្មោះ ណៅហាដ, ឈ្មោះ វ៉ាកា, ឈ្មោះ អាម៉ានុលា, ឈ្មោះ វ៉ាជីដ, ឈ្មោះហាន់ណាន, និងឈ្មោះ ម៉ាន់ហ្សូរ។
ពួកគេត្រូវបានគេចោទថាមានជាប់ពាក់ព័ន្ធ នៅក្នុងសកម្មភាពភេរវកម្មផ្សេងៗ និងកំពុងរៀបចំផែនការណ៍បន្ថែមទៀតនៅពេលគេចាប់ខ្លួនបាន។ មន្ត្រីនាយកដ្ឋានប្រឆាំងភេរវកម្ម (CTD) និយាយថាគេបានដកហូតមានកាំភ្លើងយន្តធុនធ្ងន់ កាំភ្លើង AK ៤៧ និងគ្រាប់បែកដៃចំនួន ៥គ្រាប់ពីក្រុមភេរវករ៕
ប្រភពព័ត៌មាន thenews.com.pk ចុះថ្ងៃទី២១ ខែមិថុនា ឆ្នាំ២០២២
ប្រែសម្រួលដោយ ឱក សុវណ្ណារ័ត្ន