បុរសម្នាក់រងការចោទប្រកាន់ពីបទល្មើសកាន់កាប់អាវុធខុសច្បាប់នៅស្រុកដឺបៃសឺរ បន្ទាប់ពីការស៊ើបអង្កេតដោយប៉ូលិសប្រឆាំងភេរវកម្ម។
លោក ជុនៀដ យុនុស វ័យ៣០ឆ្នាំត្រូវបានចាប់ខ្លួនកាលពីថ្ងៃទី១៩ ខែមិថុនា ដោយប៉ូលិសប្រឆាំងភេរវកម្មនៅភាគឦសាន។
យោងតាមមន្ត្រីប៉ូលិសបាននិយាយថា វត្ថុតាងត្រូវបានស្វែងរកពេញមួយសប្តាហ៍ទើបឈានទៅដល់ការចាប់ខ្លួន។
លោក ជុនៀដ យុនុស រងការចោទប្រកាន់ពីបទកាន់កាប់អាវុធហាមឃាត់ និងកាន់កាប់គ្រាប់រំសេវដោយគ្មានលិខិតបញ្ជាក់។ គាត់ក៏រងការចោទប្រកាន់ផងដែរពីបទប្រព្រឹត្តបទល្មើសឧក្រិដ្ឋកម្មធ្ងន់ធ្ងរចំនួន ៦ករណី និង១ករណី ពីបទបើកបរក្នុងពេលដកហូតសិទ្ធិ។
គាត់បង្ហាញខ្លួននៅតុលាការណតទីងហាំ កាលពីរសៀលថ្ងៃសៅរ៍ និងត្រូវបានឃុំខ្លួននៅក្នុងមន្ទីរឃុំឃាំង។
គាត់នឹងត្រូវបង្ហាញខ្លួននៅចំពោះមុខតុលាការដឺបៃសឺរ នៅថ្ងៃទី២២ ខែកក្កដាខាងមុខនេះទៀត៕
ប្រភពព័ត៌មាន BBC ចុះថ្ងៃទី២៧ ខែមិថុនា ឆ្នាំ២០២២
ប្រែសម្រួលដោយ ឱក សុវណ្ណារ័ត្ន