បុរសវ័យ១៩ឆ្នាំម្នាក់ត្រូវបានចាប់ខ្លួនពាក់ព័ន្ធនឹងបទល្មើសភេរវកម្មស្តាំនិយម។
ក្រុមអ្នកស៊ើបអង្កេតប្រឆាំងភេរវកម្មបានចាប់ខ្លួនបុរសម្នាក់ មកពីទីក្រុងវេលសេល កាលពីថ្ងៃច័ន្ទ នៅទីក្រុងវីនស្វ័ដ នៃឆេសៀ។
បុរសនេះត្រូវបានគេនាំទៅមីដលែងភាគខាងលិចដើម្បីសួរចម្លើយ នេះបើតាមការឲ្យដឹងពីប៉ូលិសប្រចាំមីដលែង។
បរុសនេះត្រូវបានសមត្ថកិច្ចឃាត់ខ្លួនដោយសង្ស័យថា កាន់កាប់ឯកសារដែលមានប្រយោជន៍ដល់បុគ្គលដែលប្រព្រឹត្ត ឬរៀបចំអំពើភេរវកម្ម។
កងកម្លាំងបានបន្ថែមទៀតថា ការចាប់ខ្លួននេះគឺដឹកនាំដោយក្រុមស៊ើបការណ៍ និងមិនមានការគំរាមកំហែងដល់សុវត្ថិភាពសាធារណៈនោះទេ៕
ប្រភពព័ត៌មាន BBC ចុះថ្ងៃទី២៩ ខែមិថុនា ឆ្នាំ២០២២
ប្រែសម្រួលដោយ ឱក សុវណ្ណារ័ត្ន
