យោងតាមប្រភពច្បាស់ការបានឱ្យដឹងថា បុរសពីរនាក់ត្រូវបានចាប់ខ្លួនបន្ទាប់ពីប៉ូលិសប្រដាប់អាវុធទទួលបានសេចក្តីរាយការណ៍ថា ពួកគាត់ប្រដាប់ដោយកាំភ្លើង។
មន្ត្រីប៉ូលិសបាននិយាយថា មន្រ្តីត្រូវបានបញ្ជូនទៅតំបន់ក្រោនមាដូវ នៅទីក្រុងអ៊ីវសាំ ខោនធីវ័រសស្ទ័រ នៅវេលាម៉ោងប្រហែល ១៩:០០ម៉ោងនៅក្នុងស្រុក កាលពីថ្ងៃពុធ នេះបើយោងតាមមន្ត្រីប៉ូលិសមឺកាភាគខាងលិច ។
នៅក្នុងហេតុការណ៍នេះគ្មាននរណាម្នាក់រងរបួសទេ បន្ទាប់ពីការឆែកឆេរតំបន់នោះក៏បានរកឃើញកាំភ្លើងខ្យល់មួយដើម។
ជាមួយនេះបុរសទាំងពីរនាក់ ម្នាក់វ័យ៣៦ឆ្នាំនិងម្នាក់ទៀតវ័យ២០ឆ្នាំត្រូវបានចាប់ខ្លួនពីបទសង្ស័យកាន់អាវុធនៅទីសាធារណៈ និងកំពុងបន្តឃុំខ្លួននៅឡើយ។
ទន្នឹមនឹងនេះមន្ត្រីប៉ូលិសបាននិយាយទៀតថា មន្ត្រីនឹងនៅតែនៅក្នុងតំបន់នោះ ក៏ប៉ុន្តែមិនមានហានិភ័យដល់សាធារណជននោះទេ៕
ប្រភពព័ត៌មាន BBC ចុះថ្ងៃទី២១ ខែកក្កដា ឆ្នាំ២០២២
ប្រែសម្រួលដោយ ឱក សុវណ្ណារ័ត្ន
