សហប្រធាននៃគណៈកម្មាធិការសេនាធិការ (CJCSC) លោកឧត្តមសេនីយ ណាឌឹម រ៉ាហ្សា បាននិយាយថា ប្រទេសប៉ាគីស្ថានបានធ្វើការលះបង់មិនធ្លាប់មានពីមុនមក នៅក្នុងសង្គ្រាមប្រឆាំងនឹងអំពើភេរវកម្មសម្រាប់ការស្តារសន្តិភាពឡើងវិញ នៅក្នុងតំបន់។
លោកកំពុងថ្លែងសុន្ទរកថា បញ្ចប់ការសិក្សាលើកទី១៤៦ នៃការដង្ហែក្បួននៅអាស្កាខាន់បណ្ឌិតសភាកងទ័ពអាកាសប៉ាគីស្ថាននៅថ្ងៃព្រហស្បតិ៍។ លោកបានបន្តទៀតថា ប៉ាគីស្ថានជាប្រទេសមានសន្តិភាព និងស្វែងរកភាពសុខដុមរមនា និងការរួមរស់ដោយសន្តិភាពជាមួយប្រទេសទាំងអស់។
សហប្រធានរូបនេះ បាននិយាយថា កងទ័ពអាកាសប៉ាគីស្ថានតែងតែបំពេញក្តីសង្ឃឹមរបស់ប្រទេសជាតិ។ លោកថា កងកម្លាំងប្រដាប់អាវុធមានសមត្ថភាពពេញលេញក្នុងការប្រឈមមុខនឹងបញ្ហា។
លោកបានធ្វើការអបអរសាទរដល់អ្នកចូលរួមក្នុងវគ្គសិក្សា ហើយសង្ឃឹមថាពួកគេទទួលបាននូវចំណេះដឹងជាមួយនឹងបច្ចេកទេសទំនើប ដើម្បីឆ្លើយតបនឹងបញ្ហាប្រឈមនានា៕
ប្រភពព័ត៌មាន Radio Pakistan News ចុះថ្ងៃទី២៩ ខែកញ្ញា ឆ្នាំ២០២២
ប្រែសម្រួលដោយ ឱក សុវណ្ណារ័ត្ន
