យោងតាមសេចក្តីរាយការណ៍បានឱ្យដឹងថា ក្រុមជំនាញខាងដោះគ្រាប់បែកបានទៅកាន់ប្លុក២៤០០ ផ្លូវទីប្រាំបីខាងកើត ក្នុងទីក្រុងឡូសអាន់ជ័រលេស ចំពោះវត្ថុសង្ស័យមួយដែលរកឃើញនៅខាងត្បូងសង្កាត់សិល្បៈ នេះបើយោងតាមនាយកដ្ឋានប៉ូលីសឡូសអាន់ជ័រលេស (LAPD) បាននិយាយកាលពីថ្ងៃចន្ទ។
ជាមួយនេះវត្ថុសង្ស័យត្រូវបានគេរាយការណ៍នៅវេលាម៉ោង១២និង៣៥នាទីថ្ងៃត្រង់ និងកងកម្លាំងនៅតែស្ថិតនៅកន្លែងកើតហេតុ និងការស៊ើបអង្កេតកំពុងបន្ត។
ទន្នឹងនឹងនេះនាយកដ្ឋានប៉ូលីសឡូសអាន់ជ័រលេសបានរាយការណ៍ថា មិនមានការគំរាមកំហែងណាមួយត្រូវបានធ្វើឡើងទេ ឬរាយការណ៍ទាក់ទងនឹងវត្ថុសង្ស័យ និងតំបន់នេះត្រូវបានគេបិទដើម្បីរក្សាសុវត្តិភាព។
ប្រហែលម៉ោង៣:៤០រសៀល ប៉ូលិសបាននិយាយថា គ្មានគ្រឿងផ្ទុះទេត្រូវបានគេរកឃើញ និងកន្លែងកើតហេតុកំពុងត្រូវបានបោសសម្អាត៕
ប្រភពព័ត៌មាន cbsnews.com ចុះថ្ងៃទី៣ ខែតុលា ឆ្នាំ២០២២
ប្រែសម្រួលដោយ ឱក សុវណ្ណារ័ត្ន