យោងតាមសេចក្តីរាយការណ៍ អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គឺធើរីស បានអំពាវនាវឱ្យរដ្ឋាភិបាលបណ្តោះអាសន្នអាហ្វហ្គានីស្ថាន មិនត្រូវអនុញ្ញាតឱ្យអង្គការភេរវករប្រើប្រាស់ដីអាហ្វហ្គានីស្ថាន សម្រាប់ធ្វើការវាយប្រហារប៉ាគីស្ថាន ឬប្រទេសជិតខាង។
នៅក្នុងថ្លែងការណ៍មួយនៅក្នុងសន្និសីទសារព័ត៌មាន លោកបាននិយាយថា អង្គការសហប្រជាជាតិកំពុងពិភាក្សាជាមួយអាជ្ញាធរជាក់ស្តែង ពាក់ព័ន្ធនឹងបញ្ហានេះ។
លោកបាននិយាយថា យើងជឿថាពួកតាលីបង់ត្រូវតែឈរលើទស្សនៈជាផលប្រយោជន៍របស់សហគមន៍អន្តរជាតិ ក៏ដូចជាផលប្រយោជន៍របស់អាហ្វហ្គានីស្ថានខ្លួនឯងផងដែរ៕
ប្រភពព័ត៌មានRadio Pakistan News ចុះថ្ងៃទី២០ ខែធ្នូ ឆ្នាំ២០២២
ប្រែសម្រួលដោយ ឱក សុវណ្ណារ័ត្ន
