ក្រសួងមហាផ្ទៃបាននិយាយកាលពីថ្ងៃចន្ទថា កងកម្លាំងសន្តិសុខតួកគីបានចាប់ផ្តើមប្រតិបត្តិការប្រឆាំងភេរវកម្មមួយផ្សេងទៀតនៅក្នុងភាគអាគ្នេយ៍របស់ប្រទេសនេះ។ គេបានហៅ ប្រតិបត្តិការនេះថា Eren Abluka Autumn Winter-19 (Sirnak-Bestler Dereler) Martyr Gendarmerie Master Sergeant Serkan Unsal-1″ បានចាប់ផ្តើមនៅក្នុងខេត្ត ស៊ីណាក់(Sirnak) ជាមួយនឹងកម្លាំងសន្តិសុខចំនួន 470 ។ នៅថ្ងៃដំបូងនៃប្រតិបត្តិការនេះ រូងភ្នំចំនួន ២ និងទីជម្រកចំនួន ១០ កន្លែង ត្រូវបានរកឃើញក្នុងអំឡុងពេលរុករកដីដែលបានធ្វើឡើងនៅក្នុងតំបន់ជនបទនៃស្រុក ប៊ែសស្លឺ ដេរ៉េឡឺ(Bestler-Dereler)។ ក្នុងការរុករកនោះ បានរឹបអូស តេលេបញ្ជាគ្រាប់បែកកែឆ្នៃមួយ បំពង់ពីរ អាហារ២គីឡូក្រាម ហើយ សម្ភារៈសម្រាប់ទ្រទ្រង់អាយុជីវិត និងសម្លៀកបំពាក់មួយចំនួនធំ។ របស់ទាំងអស់ និងទីជម្រកត្រូវបានបំផ្លាញចោលផងដែរ។
អ្នកប្រែសម្រួល៖ ងួន ណារិទ្ធ
ប្រភពព័ត៌មានពី YeniSafak ចេញផ្សាយថ្ងៃទី ២៦ ខែធ្នូ ឆ្នាំ២០២២
