យោងតាមសេចក្តីរាយការណ៍មន្ត្រីប៉ូលិសបាននិយាយថា អ្នកជំនាញកម្ចាត់គ្រាប់បែកត្រូវបានហៅទៅកាន់វិហារឥស្លាមកណ្តាលនៅទីក្រុងអេឌីនបឺក បន្ទាប់ពីបានរកឃើញកញ្ចប់ដែលគួរឱ្យសង្ស័យ។
ការជូនដំណឹងត្រូវបានលើកឡើងនៅវិហារឥស្លាម នៅលើផ្លូវផតធឺរ៉ូ នៃញូវនីងតុន នៅម៉ោងប្រហែល ៩:៣០នាទី កាលពីថ្ងៃអង្គារ។
ជាមួយនេះខ្សែសុវត្តិភាពត្រូវបានដំឡើងជាការប្រុងប្រយ័ត្ន និងក្រុមអ្នកជំនាញការកម្ចាត់អាវុធជាតិផ្ទុះនៅនឹងកន្លែងកើតហេតុ។
ហើយផ្លូវជិតខាងនៅផ្លូវផតធឺរ៉ូ និងទីលាននីកូលសាន់ ត្រូវបានបិទសម្រាប់អ្នកថ្មើរជើង និងចរាចរណ៍។
ក៏ប៉ុន្តែគេយល់ថា គ្មានការចាំបាច់ត្រូវជម្លៀសប្រជាជន ឬអាជីវកម្មនោះទេ៕
ប្រភពព័ត៌មាន BBC ចុះថ្ងៃទី៣ ខែមករា ឆ្នាំ២០២៣
ប្រែសម្រួលដោយ ឱក សុវណ្ណារ័ត្ន
