ភេរវករបានវាយឆ្មក់សហគមន៍នៅតំបន់ប៊ីនីន ហ្គាវ៉ារី (Birnin Gwari) នៃទីតាំងរដ្ឋាភិបាលរបស់រដ្ឋ កាឌូណា(Kaduna) ដោយបានសម្លាប់មន្រ្តីប្រតិបត្តិការសន្តិសុខ។
អ្នកកាសែតបានប្រមូលផ្តុំគ្នានិយាយថា កាលពីថ្ងៃអាទិត្យ អ្នកដែលត្រូវបានសម្លាប់ រួមមានសមាជិកនៃកងការពារជនស៊ីវិល ប៉ូលីស ទាហាន និងអ្នកការពារក្នុងតំបន់ ។
ថ្លែងតាមទូរស័ព្ទជាមួយអ្នកកាសែតកាលពីយប់ថ្ងៃច័ន្ទ អ្នកស្រុកម្នាក់ ឈ្មោះ អាប៊ូបាការ កាកាជី (Abubakar Kakangi) បាននិយាយថា សហគមន៍ដែលរងផលប៉ះពាល់គឺភូមិគូបូ (Kubau) និងភូមិ អានហ្គូវ៉ាន់ ហ្សាការ៉ា (Unguwan Zakara) ។
លោកបន្តថា «ទោះជាយ៉ាងណាក៏ដោយ ក៏ក្រុមចោរព្រៃតែងតែដើរឆ្លងកាត់តាមភូមិដើម្បីលក់គោ ដែលពួកគេបានលួច។ កាលពីបីសប្តាហ៍មុន សន្តិសុខបានសម្លាប់ក្មេងប្រុសម្នាក់ដែលកំពុងមើលគោក្របីរបស់ពួកគេ។ ក្រុមចោរព្រៃមិនសប្បាយចិត្តនឹងការសម្លាប់ក្មេងប្រុសនោះទេ»។
“កាលពីថ្ងៃអាទិត្យក្រុមចោរព្រៃបានសម្រុកចូលប៉ុស្តិ៍ត្រួតពិនិត្យសន្តិសុខ អាការ (Aka) តាមបណ្តោយ ប៊ីនីន ហ្គាវ៉ារី(Birnin-Gwari) ទៅកាន់ផ្លូវ កាកាជី/រ៉ាដាជី(Kakangi/Randagi) នៃផ្នែកខាងលិចនៃ ប៊ីនីន ហ្គាវ៉ារី អិលជីអេ (Birnin-Gwari LGA)” ។
ការវាយប្រហារនេះបានកើតឡើងនៅម៉ោងប្រហែល 2 រសៀល។ ចោរព្រៃបានបំបែកខ្លួនជាពីរក្រុម ហើយបានធ្វើការវាយប្រហារក្នុងពេលដំណាលគ្នានៅភូមិទាំងពីរ ដែលបានសម្លាប់បុគ្គលិកសន្តិសុខជាច្រើននាក់ រួមមាន កងការពារជនស៊ីវិល ប៉ូលីស អ្នកការពារភូមិ និងទាហាន”។
សពត្រូវបានគេប្រមូលយកទៅតម្កល់នៅមន្ទីរពេទ្យកាឌូណា ។ ប៉ូលីសមិនទាន់មានប្រតិកម្មចំពោះឧបទ្ទវហេតុនេះនៅឡើយទេ ប៉ុន្តែអ្នកនាំពាក្យនៃបញ្ជាការ កាឌូណា(Kaduna) នៃកងការពារជនស៊ីវិលបាននិយាយថា នឹងធ្វើសេចក្តីថ្លែងការណ៍មួយនៅថ្ងៃអង្គារ។
អ្នកប្រែសម្រួល៖ ងួន ណារិទ្ធ
ប្រភពព័ត៌មានពី Vanguard ចេញផ្សាយថ្ងៃទី ១០ ខែមករា ឆ្នាំ២០២៣
