ប្រទេសប៉ាគីស្ថាន៖លោក ខាលីដ ហ្សាដ្រាន អ្នកនាំពាក្យរបស់ប៉ូលិសបាននិយាយថា ជនស៊ីវិល ៥នាក់ ត្រូវបានសម្លាប់ និងមួយចំនួនផ្សេងទៀតរងរបួសធ្ងន់ក្នុងហេតុការណ៍ផ្ទុះនៅទីក្រុងកាប៊ុល កាលពីថ្ងៃពុធ។
លោកហ្សាដ្រានបាននិយាយថា៖ “ហេតុការណ៍ផ្ទុះបានកើតឡើងនៅលើផ្លូវទៅកាន់ក្រសួងការបរទេស នៅម៉ោងប្រមាណជា ៤ល្ងាច ម៉ោងនៅក្នុងតំបន់ ហើយយ៉ាងហោចណាស់មានជនស៊ីវិល ៥នាក់បានស្លាប់ និងមួយចំនួនផ្សេងទៀតរងរបួស។”
មន្ត្រីរូបនោះបានបន្ថែមឱ្យដឹងទៀតថា ការស៊ើបអង្កេតត្រូវបានធ្វើឡើង ដោយពុំទាន់មានការផ្តល់ព័ត៌មានលម្អិតនៅឡើយទេ។
ពុំទាន់មានក្រុមណាមួយអះអាងទទួលខុសត្រូវចំពោះការវាយប្រហារនេះនៅឡើយទេ។
គួររំលឹកផងដែរថា មានបណ្តាញព័ត៌មានមួយចំនួនបានរាយការណ៍ថា មនុស្ស២០នាក់ បានស្លាប់នៅក្នុងហេតុការណ៍ផ្ទុះ។ ទោះបីជាយ៉ាងណាក៏ដោយ លោកហ្សាដ្រាន បានបដិសេធចំពោះការលើកឡើងនោះ ដោយបានអះអាងថា ជនស៊ីវិល ៥នាក់ ត្រូវបានសម្លាប់ និងមួយចំនួនផ្សេងទៀតបានរងរបួសនៅក្នុងហេតុការណ៍ផ្ទុះនោះ៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១១ ខែមករា ឆ្នាំ២០២២
