LAHORE: កាលពីថ្ងៃអាទិត្យ នាយកដ្ឋានប្រឆាំងភេរវកម្ម (CTD) បានចាប់ខ្លួនជនសង្ស័យភេរវករ២នាក់ដែលជាភេរវកររបស់ក្រុមអាល់កៃដាមកពី រ៉ាហឹម យ៉ា ខាន់ (Rahim Yar Khan) ។ ជនសង្ស័យដែលចាប់ខ្លួនបាននោះ មានឈ្មោះ អាម៉ាត ហាសាន (Ahmad Hassan) និង ហ្គូឡាម អាលី(Ghulam Ali) ។ ក្រុមនាយកដ្ឋានប្រឆាំងភេរវកម្ម រាយការណ៍ថា បានទទួលព័ត៌មានថាជនជាប់ចោទ ប្រមូលផ្តុំគ្នានៅផ្សារណាត់ក្នុងទីក្រុងរ៉ាហឹម យ៉ា ខាន់ ដើម្បីរៀបចំផែនការកំណត់គោលដៅវាយប្រហារ។ មន្ត្រីបានប្រញាប់ទៅកន្លែងពួកគេភ្លាម ។ ពេលឃើញកងកម្លាំង ជនសង្ស័យបានព្យាយាមរត់គេចខ្លួន តែទោះបីជាយ៉ាងណាក៏ដោយ មន្ត្រីនាយកដ្ឋានប្រឆាំងភេរវកម្ម បានចាប់ខ្លួនពួកគេ និងបានរកឃើញអាវុធជាតិផ្ទុះ អាវុធខុសច្បាប់ និងឧបករណ៍បំផ្ទុះគ្រាប់បែកពីមន្ទីឃុំឃាំងរបស់ពួកគេ។ ជនសង្ស័យត្រូវបានសមត្ថកិច្ចបញ្ជូនទៅកាន់កន្លែងមួយដែលមិនស្គាល់អត្តសញ្ញាណដើម្បីធ្វើការស៊ើបអង្កេត ។
អ្នកប្រែសម្រួល៖ ងួន ណារិទ្ធ
ប្រភពព័ត៌មានពី The News ចេញផ្សាយថ្ងៃទី ៣០ ខែមករា ឆ្នាំ២០២៣