ប្រទេសអាហ្វហ្កានីស្ថាន៖ លោក ខាលីដ ហ្សាដ្រាន អ្នកនាំពាក្យប៉ូលិសទីក្រុងកាប៊ុលបាននិយាយថា ជនស៊ីវិល ២នាក់រងរបួសក្នុងហេតុការណ៍ផ្ទុះគ្រាប់បែកមួយបានវាយប្រហារនៅតំបន់ប៉ូលិសឌីស្រ្ទីក២ ក្នុងទីក្រុងកាប៊ុល កាលពីថ្ងៃសៅរ៍។
លោក ហ្សាដ្រាន បានប្រាប់អ្នកយកព័ត៌មានបឋមថា “ជនស៊ីវិល ២នាក់រងរបួស បន្ទាប់ពីផ្ទុះគ្រាប់បែកមួយគ្រាប់ទៅលើរថយន្តមួយគ្រឿងនៅតំបន់ប៉ូលិសឌីស្រ្ទីក២ កាលពីល្ងាចមិញ។”
សាក្សីនៅកន្លែងកើតហេតុដែលសុំមិនបញ្ចេញឈ្មោះបាននិយាយថា ហេតុការណ៍ផ្ទុះនោះបានវាយប្រហារទៅលើតំបន់ ផាស្ហធុននីសស្ថាន វ៉ាត់ ដែលស្ថិតនៅជិតតំបន់ប៉ូលិសឌីស្រ្ទីក២ នៅម៉ោងប្រមាណជា ៦:២០នាទីល្ងាចម៉ោងក្នុងតំបន់ ដែលបង្កឱ្យមានជនរងគ្រោះជាច្រើននាក់៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៤ ខែកុម្ភៈ ឆ្នាំ២០២៣
