ប្រទេសកាមេរូន៖ ប្រភពព័ត៌មានក្នុងស្រុក និងសន្តិសុខបាននិយាយកាលពីថ្ងៃព្រហស្បតិ៍ថា ក្រុមសកម្មប្រយុទ្ធបូកូហ៉ារ៉ាម បានសម្លាប់អ្នកនេសាទយ៉ាងហោចណាស់ ៨នាក់នៅសហគមន៍ជុំវិញបឹងឆាដក្នុងតំបន់ហ្វាណ័ស របស់ប្រទេសកាមេរូន។
តាមប្រភពពីអ្នកស្រុក និងយោធាបានឲ្យដឹងថា ក្រុមសកម្មប្រយុទ្ធវាយឆ្មក់ និងសម្លាប់អ្នកនេសាទនៅក្នុងសកម្មភាពវាយឆ្មក់ជាបន្តបន្ទាប់កាលពីថ្ងៃអង្គារ និងថ្ងៃពុធ នៅក្នុងតំបន់ឡូហ្កូន និងតំបន់ឆារ៉ី។
ប្រធានតំបន់ដែលសុំមិនបញ្ចេញឈ្មោះបាននិយាយថា សាកសពរបស់អ្នកនេសាទទាំងនោះត្រូវបានអ្នកភូមិរកឃើញកាលពីថ្ងៃពុធ។
យោងតាមរបាយការណ៍សន្តិសុខ និងអង្គការក្រៅរដ្ឋាភិបាលក្នុងស្រុកបានឱ្យដឹងថាក្រុមភេរវករបានសម្លាប់មនុស្សមិនតិចជាង ២,០០០នាក់ចាប់តាំងពីក្រុមនេះបានបើកការវាយប្រហារទៅលើតំបន់ហ្វាណ័សកាលពីឆ្នាំ២០១៤៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១០ ខែកុម្ភៈ ឆ្នាំ២០២៣