ប្រទេសប៉ាគីស្ថាន៖ សេចក្តីថ្លែងការណ៍យោធាបាននិយាយថា សមាជិកភេរវករម្នាក់ត្រូវបានសម្លាប់ដោយកម្លាំងសន្តិសុខក្នុងអំឡុងពេលបាញ់គ្នាកាលពីថ្ងៃពុធ នៅភាគពាយព្យប្រទេសប៉ាគីស្ថាន។
បណ្តាញទំនាក់ទំនងសាធារណៈអន្តរសេវាកម្មហៅកាត់ថា (ISPR) ដែលជាដៃគូរបស់ប្រព័ន្ធផ្សព្វផ្សាយកងទ័ពបានលើកឡើងនៅក្នុងសេចក្តីថ្លែងការណ៍មួយថា ឧបទ្វហេតុនេះបានកើតឡើងនៅក្នុងខេត្តខាយប័រផាកថុនវ៉ា។
គេរាយការណ៍មកថា ភេរវករដែលត្រូវបានសម្លាប់នោះ មានជាប់ពាក់ព័ន្ធនៅក្នុងសកម្មភាពភេរវកម្មប្រឆាំងនឹងកម្លាំងសន្តិសុខ និងជនស៊ីវិល។
នៅក្នុងសេចក្តីថែ្លងការណ៍មួយមានបញ្ជាក់ខ្លឹមសារថា៖“អ្នកស្រុកនៅក្នុងតំបន់នោះបានកោតសរសើរចំពោះការឆ្លើយតបនេះ ហើយបានសម្តែងនូវការគាំទ្រពេញទំហឹងរបស់ពួកគេដើម្បីលុបបំបាត់ការគំរាមកំហែងនៃអំពើភេរវកម្ម”៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២៣ ខែកុម្ភៈ ឆ្នាំ២០២៣