Translator
ប្រទេសប៉ាគីស្ថាន៖ ប៉ូលិសបាននិយាយថា ប៉ូលិស ២នាក់ស្លាប់ និង ៣នាក់ផ្សេងទៀតរងរបួសក្នុងហេតុការណ៍វាយប្រហារនៅខេត្តខាយប័រផាកថុនវ៉ា ភាគពាយ័ព្យនៃប្រទេសប៉ាគីស្ថាន។
ប៉ូលិសប្រាប់អ្នកយកព័ត៌មានថា ក្រុមប៉ូលិសកំពុងតែបំពេញកាតព្វកិច្ចយាមល្បាតប្រចាំថ្ងៃនៅក្នុងស្រុកឡាក់គី ម៉ាវ៉ាត កាលពីថ្ងៃច័ន្ទ នៅពេលដែលពួកគេត្រូវបានវាយប្រហារដោយក្រុមសកម្មប្រយុទ្ធមិនស្គាល់មុខ។
ប៉ូលិសបាននិយាយថា អ្នកវាយប្រហារបានវាយឆ្មក់លើរថយន្តរបស់ប៉ូលិស និងបាញ់រះទៅលើកម្លាំងប៉ូលិស មុនពេលពួកគេរត់គេចខ្លួនពីកន្លែងកើតហេតុ។
ក្រុមប៉ូលិសដែលរងរបួសត្រូវបានបញ្ជូនទៅកាន់មន្ទីពេទ្យក្បែរនោះ ដោយប៉ូលិសម្នាក់ក្នុងចំណោមប៉ូលិសទាំងអស់រងរបួសធ្ងន់ធ្ងរ។
ពុំទាន់មានក្រុមណាមួយអះអាងទទួលខុសត្រូវចំពោះការវាយប្រហារនេះទេ៕
ប្រភពព័ត៌មាន Xinhua ចុះផ្សាយថ្ងៃទី២៩ ខែសីហា ឆ្នាំ២០២៣
