ទីក្រុងយេរូសាឡឹម៖ កងទ័ពការពារជាតិអ៊ីស្រាអែល ហៅកាត់ថា (IDF) បាននិយាយនៅក្នុងសេចក្តីថ្លែងការណ៍មួយថា គ្រាប់រ៉ូកែតចំនួន៣០គ្រាប់បាញ់ចេញពីប្រទេសលីបង់ទៅលើភាគខាងជើងប្រទេសអ៊ីស្រាអែល កាលពីយប់ថ្ងៃព្រហស្បតិ៍នេះ។
កងទ័ពការពារជាតិអ៊ីស្រាអែល បាននិយាយថា គ្រាប់រ៉ូកែតដែលបន្លឺសំឡេងស៊ីរ៉ែននៅតំបន់អាប់ភឺកាលីឡេភាគខាងជើងប្រទេសអ៊ីស្រាអែលធ្លាក់នៅដីវាលទំនាប។ សូមបញ្ជាក់ផងដែរថា គិតត្រឹមម៉ោងនេះពុំទាន់មានសេចក្តីរាយការណ៍ណាមយយអំពីអ្នកស្លាប់ និងរបួសនោះទេ។
យោងតាមប្រភពពីកងទ័ពការពារជាតិអ៊ីស្រាអែលបានបាញ់កាំភ្លើងធំតបតទៅចំនុចដែលបាញ់គ្រាប់រ៉ូកែត និងធ្វើការវាយប្រហារតាមអាកាសទៅលើផ្ទះមួយខ្នងក្នុងតំបន់ម៉ីសអាល់ចាបាលនៅភាគខាងត្បូងប្រទេសលីបង់ នេះបើតាមរបាយការណ៍របស់សារព័ត៌មានទូរទស្សន៍ខានរបស់រដ្ឋអ៊ីស្រាអែល៕
ប្រភព Xinhua ចុះផ្សាយថ្ងៃទី៩ ខែកុម្ភៈ ឆ្នា២០២៤
បកប្រែដោយ ឱក សុវណ្ណារ័ត្ន
