ទីក្រុងគែរ៖ ក្នុងសប្តាហ៍នេះ ក្រុមសកម្មប្រយុទ្ធមកពីក្រុមរដ្ឋអ៊ីស្លាមបានវាយប្រហារបន្ទាយយោធានៅភូមិភាគកណ្តាលប្រទេសស៊ីរី និងសម្លាប់ទាហាន៩នាក់ នេះបើយោងតាមអ្នកឃ្លាំមើលសង្គ្រាមរបស់ភាគីប្រឆាំង។ ក៏ប៉ុន្តែកងទ័ពស៊ីរី និងក្រុមមន្ត្រីមិនបានបញ្ជាក់អំពីការវាយប្រហារនេះនៅឡើយទេ។
ក្រុមសកម្មប្រយុទ្ធរដ្ឋអ៊ីស្លាម បានអះអាងទទួលខុសត្រូវចំពោះការវាយប្រហារកាលពីថ្ងៃច័ន្ទនៅជិតទីក្រុងអាល់-សុខា ដោយនិយាយបន្តទៀតថាក្រុមសកម្មប្រយុទ្ធរបស់ខ្លួនរឹបអូសបានអាវុធដែលបោះបង់ចោលដោយទាហានរត់ចោលជួរ និងដុតបំផ្លាញបន្ទាយ។ សេចក្តីថ្លែងការណ៍របស់ពួកសកម្មប្រយុទ្ធអះអាងទទួលខុសត្រូវអ្វីដែលបានបង្ហោះកាលពីល្ងាចថ្ងៃអង្គារនេះ។
ការវាយប្រហារនេះគឺជាការប៉ះទង្គិចកាន់តែខ្លាំងលើកចុងក្រោយបំផុតនៅវាលខ្សាច់ភាគខាងកើតប្រទេសស៊ីរី រវាងពួកសកម្មប្រយុទ្ធ និងកងទ័ពស៊ីរី ដែលគាំទ្រដោយកងជីវពលដែលគាំទ្រដោយអ៊ីរ៉ង់៕
ប្រភព AP ចុះផ្សាយថ្ងៃទី១៤ ខែកុម្ភៈ ឆ្នាំ២០២៤
បកប្រែដោយ ឱក សុវណ្ណារ័ត្ន
