ទីក្រុងបាងកក៖ យ៉ាងហោចណាស់មនុស្សម្នាក់ស្លាប់ និង៤នាក់ផ្សេងទៀតបានរងរបួស បន្ទាប់ពីមានអគ្គីភ័យដ៏ធំមួយបានឆាបឆេះរោងចក្រគីមី នៅក្នុងសួនឧស្សាហកម្មភាគខាងកើតប្រទេសថៃ កាលពីថ្ងៃព្រហស្បតិ៍។
អគ្គិភ័យនៅក្នុងតំបន់ឧស្សាហកម្មម៉ាប់តាភូត ដែលត្រូវគេរាយការណ៍ដំបូងនៅព្រឹកនេះ។ យោងតាមនាយកដ្ឋានទំនាក់ទំនងសាធារណៈរបស់ខេត្តតរ៉ាក់យ៉ងបានឱ្យដឹងថា បុគ្គលិកពន្លត់អគ្គីភ័យបានប៉ាន់ស្មានថា វាអាចចំណាយពេលច្រើនម៉ោងទើបអាចពន្លត់ភ្លើងបាន។
បន្ទាប់ពីមានហេតុការណ៍នេះនាយកដ្ឋានបាននិយាយថា កម្មករនិងប្រជាជនប្រហែល៤០០នាក់ត្រូវបានជម្លៀសទៅកន្លែងកើតហេតុជាបណ្តោះអាសន្ន។
ក្រុមមន្ត្រីបាននិយាយថា រោងចក្រនេះអាចផ្ទុក ២,៥០០ម៉ែត្រគូប ជាកម្មសិទ្ធិរបស់ក្រុមហ៊ុនស្ថានីយម៉ាប់តាភូត ដែលដំណើរការកំពង់ផែពាណិជ្ជកម្ម និងស្ថានីយផ្ទុកផលិតផលគីមីឥន្ធនៈ។ ពួកគេបាននិយាយថារោងចក្រផ្ទុកប្រេងភីរ៉ូលីស៊ីល្បាយនៃសារធាតុគីមី ដែលប្រើជាទូទៅក្នុងការលាយប្រេងសាំង៕
ប្រភព AP ចុះផ្សាយថ្ងៃទី៩ ខែឧសភា ឆ្នាំ២០២៤
