ទីក្រុងកេតា៖ ក្រុមមន្ត្រីប៉ាគីស្ថានបាននិយាយកាលពីថ្ងៃព្រហស្បតិ៍ថា ឆ្មាំព្រំដែនអ៊ីរ៉ង់បានបើកការបាញ់ប្រហារទៅលើរថយន្តដែលដឹកជនជាតិប៉ាគីស្ថានមួយក្រុម បណ្តាលឲ្យមនុស្ស 4 នាក់ស្លាប់ និង២នាក់ផ្សេងទៀតរងរបួសនៅក្នុងតំបន់ដាច់ស្រយាលមួយនៅភាគនិរតី។
ប៉ូលិសក្នុងតំបន់បាននិយាយថា ឧប្បត្តិហេតុនេះបានកើតឡើងនៅជិតភូមិព្រំដែនម៉ាសខេល ក្នុងខេត្តបាលូជីស្ថាន កាលពីថ្ងៃពុធកន្លងទៅនេះ។ ជំនួយការអគ្គស្នងការលោក សាហ៊ីបហ្សាដា អាហ្វាន់ បាននិយាយថា មិនទាន់ដឹងពីមូលហេតុច្បាស់លាស់នៃការបាញ់ប្រហាររបស់កងកម្លាំងអ៊ីរ៉ង់ទេ។
ប៉ូលិសមូលដ្ឋាននិយាយថា សាកសពបុរសទាំង៤នាក់ត្រូវបានប្រគល់ឱ្យក្រុមគ្រួសារហើយ ។
គិតមកដល់ត្រឹមម៉ោងនេះមិនមានការអត្ថាធិប្បាយភ្លាមៗពីទីក្រុងតេអេរ៉ង់ ឬក្រសួងការបរទេសប៉ាគីស្ថានទេ៕
ប្រភព AP ចុះផ្សាយថ្ងៃទី៣០ ខែឧសភា ឆ្នាំ២០២៤
