ប្រទេសប៉ាគីស្ថាន៖ យោងតាមប្រភពមន្ត្រីបានឱ្យដឹងថា មនុស្ស ២នាក់ត្រូវបានសម្លាប់ និង ៤នាក់ផ្សេងទៀតរងរបួសក្នុងហេតុការណ៍ផ្ទុះឧបករណ៍កែច្នៃ នៅខេត្តខាយប័រផាកថុនវ៉ាភាគពាយ័ព្យប្រទេសប៉ាគីស្ថាន កាលពីថ្ងៃអាទិត្យ ទី១៦ ខែមិថុនា ឆ្នាំ២០២៤។
ប្រភពបន្ថែមថា ហេតុការណ៍នេះបានកើតឡើងនៅក្នុងស្រុកឃើរ៉ាម ជាកន្លែងដែលរថយន្តដឹកជនស៊ីវិលរងការវាយប្រហារពីគ្រាប់បែកបង្កប់នៅតាមដងផ្លូវ។
ជនរងគ្រោះត្រូវបានបញ្ជូនទៅកាន់មន្ទីរពេទ្យនៅក្បែរនោះ ខណៈដែលជនរងគ្រោះទាំង ៤នាក់ក្នុងចំណោមពួកគេស្ថិតក្នុងស្ថានភាពធ្ងន់ធ្ងរ។
រថយន្តនោះរងការបំផ្លាញទាំងស្រុងក្នុងហេតុការណ៍ផ្ទុះ ហើយប៉ូលិសបានបិទទីតាំងកើតហេតុដើម្បីស៊ើបអង្កេត។
ពុំទាន់មានបុគ្គល ឬក្រុមណាមួយ អះអាងទទួលខុសត្រូវចំពោះការវាយប្រហារនេះនៅឡើយទេ៕
ប្រភពព័ត៌មាន Xinhua ចុះផ្សាយថ្ងៃទី១៦ ខែមិថុនា ឆ្នាំ២០២៤
