ក្រុងតេអេរ៉ង់៖ ក្រុមអ្នកតស៊ូអ៊ីស្លាមនៅអ៊ីរ៉ាក់បានកំណត់គោលដៅវាយប្រហារទៅលើរោងចក្រថាមពល នៃរបបស៊ីយ៉ូនីសនៅព្រឹកថ្ងៃពុធ ដើម្បីគាំទ្រប្រជាជននៃតំបន់ហ្កាហ្សា។
យោងតាមប្រព័ន្ធផ្សព្វផ្សាយរបស់ក្រុមអ្នកតស៊ូអ៊ីរ៉ាក់បានឲ្យដឹងថា រោងចក្រថាមពលអ័រូតរ៉ាប៊ីនដែលស្ថិតក្រោមការកាន់កាប់របស់ប៉ាឡេស្ទីនមានទីតាំងនៅហាដេរ៉ា ត្រូវបានគេកំណត់គោលដៅក្នុងការវាយប្រហារដោយយន្តហោះគ្មានមនុស្សបើក។
នេះមិនមែនជាលើកទីមួយទេដែលរោងចក្រថាមពលនេះរងការវាយប្រហារដោយយន្តហោះគ្មានមនុស្សបើកពីក្រុមតស៊ូអ៊ីស្លាមអ៊ីរ៉ាក់។
គួររំលឹកផងដែរថារោងចក្រថាមពលអ័រូតរ៉ាប៊ីនក៏ត្រូវបានគេកំណត់គោលដៅដោយការវាយប្រហារដោយយន្តហោះគ្មានមនុស្សបើកកាលពីថ្ងៃទី៨ ខែមិថុនាកន្លងទៅនេះផងដែរ។
កាលពីថ្ងៃអង្គារ ក្រុមអ្នកតស៊ូអ៊ីស្លាមនៅក្នុងប្រទេសអ៊ីរ៉ាក់បានកំណត់គោលដៅដ៏រសើប និងសំខាន់មួយនៅ អ៊ីឡាតដោយប្រើប្រាប់យន្តហោះគ្មានមនុស្សបើកដើម្បីគាំទ្រប្រជាជនប៉ាឡេស្ទីន និងហ្គាហ្សា ហើយក៏ជាការឆ្លើយតបទៅនឹងឧក្រិដ្ឋកម្មរបស់របបស៊ីយ៉ូនីស។
ក្រុមអ្នកតស៊ូអ៊ីស្លាមរបស់ប្រទេសអ៊ីរ៉ាក់បាននិយាយថាខ្លួននឹងបន្តវាយប្រហារទៅលើរបបស៊ីយ៉ូនីសរហូតទាល់តែរបបអ៊ីស្រាអែលបញ្ចប់សង្រ្គាមប្រល័យពូជសាសន៍នៅតំបន់ហ្គាហ្សា។
ប្រភព IRNA News Agency ចុះផ្សាយថ្ងៃទី១០ ខែកក្កដា ឆ្នាំ២០២៤
