ប្រទេសអូទ្រីស៖ ក្រុមអាជ្ញាធរអូទ្រីសបានបង្ក្រាបបណ្តាញភេរវរកដែលមានជាប់ពាក់ព័ន្ធនឹងការរៃអង្គាសថវិការឲ្យក្រុមសកម្មប្រយុទ្ធរដ្ឋអ៊ីស្លាម (IS) ហើយបានចាប់ខ្លួនជនសង្ស័យចំនួន៩នាក់ នេះបើតាមការថ្លែងរបស់ក្រសួងមហាផ្ទៃកាលពីថ្ងៃសៅរ៍ ទី២៧ ខែកក្កដា ឆ្នាំ២០២៤។
កម្លាំងសន្តិសុខអូទ្រីសបានធ្វើប្រតិបត្តិការឆែកឆេរផ្ទះជាច្រើនខ្នងក្នុងរដ្ឋសហព័ន្ធចំនួន៥កាលពីថ្ងៃព្រហស្បតិ៍ ទី២៥ ខែកក្កដា ឆ្នាំ២០២៤ ដោយបានរឹបអូសទូរស័ព្ទជាច្រើនគ្រឿង កុំព្យូទ័រជាច្រើនគ្រឿង ឧបករណ៍ផ្ទុកទិន្ន័យជាច្រើន សាច់ប្រាក់មួយចំនួន និងរថយន្តមួយគ្រឿង នេះបើតាមការបញ្ជាក់ពីក្រសួង។
ភេរវរករទាំងអស់ដែលមានអាយុចន្លោះពី២៣ដល់៣៦ឆ្នាំគឺមកពីសាធារណៈរដ្ឋឆេឆេន។ ក្រសួងបានបញ្ជាក់ថា ជនសង្ស័យដែលជាអ្នកគាំទ្រក្រុមសកម្មប្រយុទ្ធរដ្ឋអ៊ីស្លាមជាយូរមកហើយ បានសហការជាមួយក្រុមអ្នកគាំទ្រភេរវករផ្សេងទៀតនៅក្នុងប្រទេសអាល្លឺម៉ង់ និងបណ្តាប្រទេសអឺរ៉ុបផ្សេងទៀត៕
ប្រភពព័ត៌មាន Xinhua បច្ចុប្បន្នភាពថ្ងៃទី២៨ ខែកក្កដា ឆ្នាំ២០២៤
