ប្រទេសប៉ាគីស្ថាន៖ ប៉ូលិសបានរាយការណ៍ថា នាយកដ្ឋានប្រឆាំងភេរវកម្ម ហៅកាត់ថា (CTD) បានចាប់ខ្លួនភេរវករចំនួន៣៨នាក់នៅភាគខាងកើតខេត្តផុនចាបក្នុងខែកក្កដានេះ។
អ្នកនាំពាក្យនាយកដ្ឋានប្រឆាំងភេរវកម្មបាននិយាយក្នុងសេចក្តីថ្លែងការណ៍មួយកាលពីថ្ងៃសៅរ៍ ទី២៧ ខែកក្កដាថា ការចាប់ខ្លួនបានធ្វើឡើងក្នុងប្រតិបត្តិការផ្អែកលើការស៊ើបការសម្ងាត់ដែលបានធ្វើឡើងក្នុងទីក្រុងនានា។
អ្នកនាំពាក្យនិយាយថា នាយកដ្ឋានប្រឆាំងភេរវកម្មបានធ្វើប្រតិបត្តិការស៊ើបការសម្ងាត់ ៤៤៩លើកទូរទាំងខេត្តក្នុងអំឡុងខែកក្កដានេះ។
បើតាមមន្ត្រីនាយកដ្ឋានប្រឆាំងភេរវកម្ម ក្រុមភេរវករដែលចាប់ខ្លួនបានទាំងនោះគឺជាសមាជិករបស់ក្រុមតាលីបង់តេហ្រេកអ៊ី-អ៊ីនប៉ាគីស្ថាន (TTP) និងសមាជិករបស់ក្រុមសកម្មប្រយុទ្ធរដ្ឋអ៊ីស្លាមដែលគេហាមឃាត់។
មន្ត្រីប៉ូលិសដដែលនិយាយថា នៅក្នុងប្រតិបត្តិការនេះប៉ូលិសបានរឹបអូសគ្រឿងផ្ទុះមួយចំនួនធំ គ្រាប់បែកដៃជាច្រើនគ្រាប់ ទូរស័ព្ទដៃជាច្រើនគ្រឿង និងក្រដាសប្រាក់បរទេស និងក្នុងស្រុក ៕
ប្រភពព័ត៌មាន Xinhua ចុះផ្សាយថ្ងៃ២៨ ខែកក្កដា ឆ្នាំ២០២៤
