ប្រទេសអ៊ីស្រាអែល៖ ក្រុមហេបូឡាលីបង់បានបើកការវាយប្រហារដោយប្រើយន្តហោះគ្មានមនុស្សបើកជាច្រើនគ្រឿងទៅលើបុស្តិ៍ត្រួតពិនិត្យនៅតំបន់គីបបូតហ្ស ភូមិអាមេដ ភាគខាងជើងប្រទេសអ៊ីស្រាអែល នេះបើតាមសេចក្តីថ្លែងការណ៍របស់កម្លាំងប្រដាប់អាវុធអ៊ីស្រាអែលនៅថ្ងៃពុធ ទី២១ ខែសីហា ឆ្នាំ២០២៤។
តំបន់គីបបូហ្សស្ថិតនៅចម្ងាយប្រមាណជា ២២គីឡូម៉ែត្រពីព្រំដែនប្រទេសលីបង់។ យោធាអ៊ីស្រាអែលនិយាយថា មិនទាន់អាចបញ្ជាក់ពីការវាយប្រហារបាននៅឡើយទេ។
ក្រុមហេបូឡានិយាយថា ការវាយប្រហារនោះជាការឆ្លើយតបចំពោះការវាយប្រហារតាមអាកាសរបស់អ៊ីស្រាអែលទៅលើតំបន់បេកាកាលពីយប់រំលងអាធ្រាតថ្ងៃអង្គារ។
ក្រុមហេបូឡា និងយោធាអ៊ីស្រាអែលបានជាប់គាំងក្នុងជម្លោះអស់រយៈពេល ១០ខែកន្លងមកហើយស្របពេលដែលមានសង្គ្រាមក្នុងតំបន់ហ្កាហ្សារវាងអ៊ីស្រាអែល និងក្រុមហាម៉ាស
ប៉ាឡេស្ទីន ដែលជម្លោះនោះបានរាលដាលដល់កម្លាំងជួរមុខផ្សេងទៀត និងបង្កឱ្យមានភាពភ័យខ្លាចចំពោះជម្លោះនៅមជ្ឈិមបូព៌ា៕
ប្រភពព័ត៌មាន Reuters ចុះផ្សាយថ្ងៃទី២១ ខែសីហា ឆ្នាំ២០២៤
