បាម៉ាកូ ប្រទេសម៉ាលី (អេភី)៖ ការវាយប្រហារតាមអាកាសលើភូមិមួយនៅភាគខាងជើងប្រទេសម៉ាលី ក្បែរព្រំដែនអាល់ហ្សេរី កាលពីថ្ងៃអាទិត្យ បានសម្លាប់ជនស៊ីវិល ២១នាក់ ក្នុងនោះមានកុមារ ១១នាក់ នេះបើតាមអ្នកនាំពាក្យរបស់ក្រុមចម្រុះនៃក្រុមឯករាជ្យគាំទ្រប្រជាជនភាគច្រើនទួអារេក។
ប្រសិនបើមានការបញ្ជាក់ ការវាយប្រហារលើភូមិ អ៊ីនស៊ុយណេធីង នឹងកត់ចំណាំថាចំនួនជនស៊ីវិលច្រើនបំផុតដែលត្រូវបានសម្លាប់ដោយយន្តហោះគ្មានមនុស្សបើក ចាប់តាំងពីការរំលោភកិច្ចព្រមព្រៀងសន្តិភាពរវាងរបបយោធាដែលកំពុងកាន់អំណាច និងក្រុមប្រដាប់អាវុធគាំទ្រឯករាជ្យនៅភាគខាងជើងប្រទេសម៉ាលី កាលពីឆ្នាំមុន។
ក្របខណ្ឌយុទ្ធសាស្រ្តដើម្បីការពារប្រជាជននៃរដ្ឋអាហ្សាវ៉ាដ គឺក្រុមចម្រុះនៃប្រជាជនភាគច្រើន ទួអារេក ប្រយុទ្ធដើម្បីឯករាជ្យនៅតំបន់ភាគខាងជើងនៃប្រទេសម៉ាលី ដែលពួកគេហៅថា រដ្ឋអាហ្សាវ៉ាដ ។
ក្រុមចម្រុះបាននិយាយនៅក្នុងសេចក្តីថ្លែងការណ៍មួយថា ការវាយប្រហារកាលពីថ្ងៃអាទិត្យបានកំណត់គោលដៅទៅលើឱសថស្ថានមួយ បន្ទាប់មកការវាយប្រហារផ្សេងទៀតបានធ្វើឡើងដែលកំណត់គោលដៅទៅលើមនុស្សដែលប្រមូលផ្តុំគ្នានៅក្នុងតំបន់ជុំវិញចំនុចដែលខូចខាតដោយការវាយប្រហារដំបូង។
សេចក្តីថ្លែងការណ៍ដែលចុះហត្ថលេខាដោយលោក មូហាម៉ែត អឹមុយឡូស រ៉ាម៉ាដាណី អ្នកនាំពាក្យក្រុមឧទ្ទាមដែលមានវត្តមាននៅក្នុងភូមិ បាននិយាយថា “ចំនួនបណ្តោះអាសន្ននៃការវាយប្រហារឧក្រិដ្ឋកម្មទាំងនេះ មានចំនួនជនស៊ីវិល ២១នាក់ស្លាប់ ក្នុងនោះមានកុមារ ១១ នាក់ និងអ្នកគ្រប់គ្រងឱសថស្ថាន”។
ប្រភព AP ចុះផ្សាយថ្ងៃទី២៦ ខែសីហា ឆ្នាំ២០២៤
